रोमी 4:5 - Sunuwar Bible

⁵ तन्‍न सुमी गेय मपाइब, ङोंइती मटीब मुर आन कली ठीक पाइब कली थमा सुइक्‍बा, मेको आ थमा सुइक्‍तीके ठीक बाक्‍ब। रोमी ३:२६

रोमी 4:5 ပူးပေါင်းရင်းမြစ်များ

हबकुक 2:4

गे ठेयब लेश्‍शो कली कोव़ङो। मेको आ थुं मरिम्‍शो बाक्‍ब। तन्‍न ठीक पाइब आं कली थमा सुइश्‍शा ब्रोंइब।

मर्कूस 9:23

मिनु येसुमी “गे मारेइ पने चाप्‍नीनी कों देंनीनी। तन्‍न सु सुमी गेन चाप्‍नीनी देंशा, थमा सुइक्‍नीमी, मेकोपुकीमी आन पुंइशो ताइनीम” देंमाक्‍त।

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 6:29

मिनु येसुमी “मेको परमप्रभु यावे आ गेय बाक्‍ब। गेपुकी परमप्रभु यावे आ सोइश्‍शो कली थमा सुइक्‍चा, परमप्रभु यावे आ गेय बाक्‍ब” दे माइक्‍तीमी।

रोमी 10:3

परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

रोमी 4:24

गो नेल्‍ल इं कली यो ब्रेक्‍शो बाक्‍ब। मारदे हना सु सुमी इं प्रभु येसु कली बेक्‍शो रे सेंपाइक्‍ब परमप्रभु यावे कली थमा सुइक्‍नीमी, मेको आन कली ठीक दुम्‍पाइक्‍ब।

रोमी 4:3

मार ब्रेक्‍शो बाक्‍ब देंशा हना “अब्राहाममी परमप्रभु यावे कली थमा सुइक्‍तु। मिनु परमप्रभु यावेमी ठीक दुम्‍पाइक्‍तु” दे ब्रेक्‍शो बाक्‍ब। उत्‍पत्ती १५:६; गलाती ३:६

रोमी 4:6

इं किकी दाऊदमी “मुरुमी गेय मपथु, ठीक दुम्‍शा, मेको ग्‍येरसीशो मुर बाक्‍नीम, दे परमप्रभु यावे आ देंशो बाक्‍ब” देंशो बाक्‍त।

फिलिप्‍पी 3:9

मोपा आ मुर दुम्‍शा, परमप्रभु यावे आ अरेशो लोव़ ङा आंम ठीक पतीके मबाक्‍थु, ख्रीस्‍त कली थमा सुइक्‍तीकेमी ठीक दुम्‍तीके बाक्‍ब। मेको ठीक दुम्‍तीके परमप्रभु यावेमी गेशो थमा सुइक्‍तीके रे ला बाक्‍ब। रोमी ३:२२

यहोसु 24:2

मिनु यहोसुमी मुर नेल्‍ल आन कली “परमप्रभु यावे, इस्राएली आन परमप्रभुमी ‘साइ नेसी इन किकी पिपी, अब्राहाम नु नाहोर आ आफ तेराह युफ्रेटीस खोला आ आइक्‍ची हांबुम बाक्‍शो बाक्‍तेक्‍म। मिनु मेकोपुकीमी अरु देवी देवता आन कली ठेयब सेल्‍तेक्‍म। उत्‍पत्ती ११:२६; उत्‍पत्ती ३१:१९; उत्‍पत्ती ३५:२