रोमी 4:18 - Sunuwar Bible

¹⁸ “शुश रागी ङा मुर आन किकी सेल्‍तन” दे परमप्रभु यावे आ गेशो लोव़ थमा सुइश्‍शा, आस पचा ङा मबाक्‍माक्‍त हना यो, आस पा बाक्‍माक्‍त। उत्‍पत्ती १५:५

रोमी 4:18 ပူးပေါင်းရင်းမြစ်များ

हितोपदेस 13:12

शुश आस पा यो मदुम्‍त हना, थुं लुक्‍च लाइब। तन्‍न आ मिम्‍शो गाप्‍त हना, ब्रोंइचा गेब रवा बाक्‍ब।

इजीकीएल 37:11

मिनु मेकोम आं कली “ए मुर, एको रुश नेल्‍ल इस्राएल आ खिं ङा मुर बाक्‍नीम। मेकोपुकीम ‘आंइ रुश नेल्‍ल सोव़ने थुम्‍तेक्‍म। मिनु आंइ आस नेल्‍ल जाम्‍त। गो थमा पा ताइक्‍चा पुंइसाक्‍क’ देंतेक्‍म। इजीकीएल ३७:१

लूका 1:18

मिनु जकरियाम परमप्रभु यावे आ स्‍वर्ग ङा गेय पाइब कली “गो खाल्‍पा दुम्‍ती, आं मीश खाल्‍पी दुम्‍त। आल थीनस्‍कु, दे दोपा थमा सुइक्‍चा ङा?” देंमाक्‍त। उत्‍पत्ती १८:११

प्रेरित 27:25

मोपतीके इन थुं बार पा बाक्‍कीन, हजुरपुकी। परमप्रभुमी आ देंशो का यो मप्रोंइथु, नेल्‍ल खाप्‍ब, दे थमा सुइक्‍नुङ। प्रेरित २८:१

रोमी 4:17

अब्राहाम आ पर्बम “गो इ कली शुश रागी ङा मुर आन किकी सेल्‍तन” दे ब्रेक्‍शो बाक्‍ब। अब्राहाममी “परमप्रभु यावे बेक्‍शो रे सेंब नु मारेइ मबाक्‍शो कली बाक्‍शो खोदेंशो पा ब्रेश्‍शा सेल्‍ब” दे थमा सुइश्‍शो बाक्‍ब। उत्‍पत्ती १७:५; २कोरिन्‍थी १:९; हिब्रू ११:१९

रोमी 4:19

मेको सहे का बर्स दुम्‍शा, आल मथिथु, आ रां बेक्‍शो खोदेंशो दुम्‍शा, आ मीश सारा शुश बर्स दुम्‍शो बाक्‍ब, दे तुइश्‍शा यो थमा सुइक्‍ना सुइक्‍न बाक्‍माक्‍त। उत्‍पत्ती १७:१७

रोमी 5:5

मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९

रोमी 8:24

मेको थमा मदुम सम्‍म आस पा बाक्‍नय। थमा दुम्‍शा नोले आस पा बाक्‍चा ममाल्‍नय। सुमी आ तने थुम्‍शो कली आस पाइबा ङा? २कोरिन्‍थी ५:७

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२