रोमी 3:9 - Sunuwar Bible

⁹ मिनु मार देंचा देंशा हना, अर्को जात क्‍येङा गो यहूदी रिम्‍शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४

रोमी 3:9 ပူးပေါင်းရင်းမြစ်များ

हितोपदेस 20:9

मिनु सुमी “गो आं थुं रिम्‍शो सेल्‍ता। आं पाप क्‍याम्‍ताक्‍ङ” देंने चाप्‍बा ङा? हितोपदेस ३०:१२; अय्‍युब ४:१७; अय्‍युब ९:२-३

यसैया 65:5

मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

रोमी 1:18

मुरपुकीमी “थमा माइश्‍शो सु बाक्‍मे?” दे तुइक्‍चा मदाक्‍थु, मरिम्‍शो थुं पाइश्‍शो दुम्‍शा, मरिम्‍शो गेय पाम्‍तेक्‍म। मुर आन कली मोदेंशो पशो तशा, परमप्रभु यावेम आ गाइश्‍शो कोंइताक्‍व।

रोमी 11:32

मारदे हना परमप्रभु यावेमी इस्राएली नु अर्को रागी ङा मुर नेल्‍ल आन कली आ लोव़ मटिशो तशा, खाल का ङा पा वोइक्‍तीमी। मिनु नोले नेल्‍ल आन कली शिशी पाइब। गलाती ३:२२; १तिमोथी २:४

रोमी 11:7

मिनु मार देंचा ङा? इस्राएलम माल्‍शा यो आ माल्‍शो मथित्‍थु, परमप्रभु यावे आ योव़शो का निक्‍शी ला ठीक दुम्‍तेक्‍म। अरु नेल्‍ल परमप्रभु यावे आ लोव़ मटीब दुम्‍तेक्‍म। रोमी ९:३१

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

रोमी 3:1

मोदेंशो बाक्‍त हना, यहूदीपुकीमी अरु आन क्‍येङा मार ताइनीमी? ख्रोइक्‍तीक चिनु ख्रोइश्‍शो मार दुम्‍बाक्‍ङा?

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२

रोमी 3:5

गो इं मरिम्‍शो पशो परमप्रभु यावे कली रिम्‍शो देंशा कोंइताक्‍य हना, गो मार देंनय ङा? परमप्रभु यावेमी मो देंब आन कली सजाइ गेशो मरिम्‍शो बाक्‍बा ङा? शुश मुरपुकीमी मोदेंशो मिम्‍नीम।

रोमी 6:15

परमप्रभु यावे आ अरेशो लोव़मी इं कली दोसी मसेल्‍थु, परमप्रभु यावे आ शिशी ताइतय हना, पाप पचा दुम्‍ब, दे मिम्‍चा ङा? मोदेंशो मिम्‍चा मदुम्‍ब।

रोमी 7:14

गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६

१ कोरिन्‍थी 10:19

मिनु आं देंशो लोव़ मार रुम्‍सीब देंशा हना, मूर्ति कली चढ़ेशो ठेयब बाक्‍बा कों? मूर्तिपुकी ठेयब नमी कों? १कोरिन्‍थी ८:६

१ कोरिन्‍थी 14:15

गो मुल मार पाइनुङ देंशा हना, गो सोक्‍त आ लोव़मी प्रार्थना पङानु, आ थुंमी यो प्रार्थना पाइ‍नुङ। परमप्रभु यावे आ सोक्‍तीम कुम्‍सो पङानु, आं थुंमी यो कुम्‍सो पाइनुङ। एफिसी ५:१९

१ कोरिन्‍थी 4:7

सुमी इन कली ठेयब सेल्‍नी? इन पशोमी ठेयब दुम्‍नी ङा? परमप्रभु यावे आ शिशी पशोमी कका ठेयब दुम्‍शो ननी। मिनु परमप्रभु यावे आ गेशोमी ठेयब लेत्‍चा दुम्‍बा ङा?

गलाती 3:10

सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६

गलाती 3:22

तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२

फिलिप्‍पी 1:18

मिनु मार? ठेयब लेश्‍शा हना यो, थमा पा हना यो, ख्रीस्‍त आ पर्बम लोव़ पाम्‍तेक्‍म हना, गो शुश ग्‍येरसीनुङ। फिलिप्‍पी २:१७-१८