रोमी 3:8 - Sunuwar Bible

⁸ मुरपुकीमी आं लोव़ नेंशा “पापमी परमप्रभु यावे कली ठेयब सेल्‍ब, दे शेंब” दे आं देंशो लोव़ कली दूली सेल्‍तेक्‍म। गो दूली मशेंदुमी। मारदे हना पाप पशोमी परमप्रभु यावे कली ठेयब मसेल्‍ब। मोदेंब आन कली परमप्रभु यावेमी सजाइ गेप्‍तु हना, ठीक दुम्‍ब। रोमी ६:३

रोमी 3:8 ပူးပေါင်းရင်းမြစ်များ

येरमीया 40:16

तन्‍न अहीकाम आ तौ गेदाल्‍याहम कारेआह आ तौ योहानान कली “गे मोदेंशो गेय मपावो। मारदे हना इश्‍माएल आ पर्बम इ पशो लोव़ थमा ममाइ” दे माइक्‍तु।

मत्ती 5:11

आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 6:1

मिनु मो हना, मार देंचा? परमप्रभु यावेमी गो इं कली शुश शिशी पवल, दे गोपुकीमी पाप पस ङा पस बाक्‍चा ङा? रोमी ३:५-८

रोमी 6:15

परमप्रभु यावे आ अरेशो लोव़मी इं कली दोसी मसेल्‍थु, परमप्रभु यावे आ शिशी ताइतय हना, पाप पचा दुम्‍ब, दे मिम्‍चा ङा? मोदेंशो मिम्‍चा मदुम्‍ब।

रोमी 7:7

मिनु मुल मार दें‍य देंशा हना, परमप्रभु यावे आ अरेशो लोव़मी पाप बाक्‍बा? मो देंशो ममिम्‍चा। परमप्रभु यावे आ अरेशो लोव़ मपढेङा सम्‍म गो पाप मतुइक्‍तु। परमप्रभु यावे आ अरेशो लोव़मी “मुर आन मार मार तशा मवलो” दे मब्रेक्‍शो हना, वाल्‍चा आ पर्बम गो मारेइ मतुइक्‍तु वा। प्रस्‍थान २०:१७

२ कोरिन्‍थी 11:15

मेकोपुकी रिम्‍शो गेय पाइब खोदेंशो दुम्‍खु पा गाक्‍नीम। मेको आन जोल नोले ग्रूब। मिनु आन गेय यो मलीब।

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।