रोमी 3:4 - Sunuwar Bible4 मुर आन देंशो लोव़ मजाक्दीप्ब। परमप्रभु यावे आ देंशो चहिं गेना हना यो थमा दुम्ब। “इन लोव़ ठीक बाक्ब। इन मुर आन कली निसाफ पतीक यो ठीक बाक्ब” दे ब्रेक्शो बाक्ब। भजन संग्रह ५१:६; भजन संग्रह ११६:११ အခန်းကိုကြည့်ပါ။ |
रोमी 3:4
33 ပူးပေါင်းရင်းမြစ်များ
नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
ကြော်ငြာတွေ