रोमी 3:30 - Sunuwar Bible

³⁰ मारदे हना परमप्रभु यावे का ला बाक्‍ब। मिनु मेकोमी ख्रोइक्‍तीक चिनु ख्रोइश्‍शो नु मख्रोइश्‍शो आन थमा सुइक्‍तीके कोव़शा, मुर आन कली ठीक दुम्‍पाइक्‍ब। रोमी ४:११-१२

रोमी 3:30 ပူးပေါင်းရင်းမြစ်များ

रोमी 2:26

ख्रोइक्‍तीक चिनु मख्रोइश्‍शो, तन्‍न परमप्रभु यावे आ ठीक पतीक नेल्‍ल पाइब हना, मेको ख्रोइक्‍तीक चिनु ख्रोइश्‍शो खोदेंशो बाक्‍ब। गलाती ५:६

रोमी 2:27

मेको अर्को रागी ङा ख्रोइक्‍तीक चिनु मख्रोइश्‍शो मुरपुकीमी यहूदी आन क्‍येङा आंमा आन थुं रे ठीक पाइनीम। मिनु निसाफ दुम्‍ची ना परमप्रभु यावे कली मटीब यहूदी आन कली दोस गेनीम।

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

रोमी 3:28

गोपुकीम “परमप्रभु यावे आ अरेशो लोव़ ङा गेयम मुर आन कली ठीक मसेल्‍ब” दे शेंनीकी। थमा सुइश्‍शोमी ला मुर आन कली ठीक सेल्‍ब। गलाती २:१६

रोमी 4:16

थमा सुइक्‍तेक्‍म हना, शिशी ताइनीम। अरेशो टीबपुकीम यो शिशी ताइनीम। सु सुमी अब्राहामम खोदेंशो पा, परमप्रभु यावे कली थमा सुदमे, मेको आ थोक्‍शो लोव़ ङा मुर नु अब्राहाम आ आल दुम्‍नीम।

रोमी 4:9

मिनु मुल मार देंचा? ग्‍येरसीशो मुर ख्रोइक्‍तीक चिनु ख्रोइश्‍शो बाक्‍नीम देय मबाक्‍नीमी? मारदे हना अब्राहाममी थमा सुइक्‍तु। मिनु परमप्रभु यावेमी मेको कली ठीक दुम्‍पाइक्‍तु।

गलाती 3:20

गारपाइक्‍तीक गेय पचा कली मुर का मदुम्‍ब। तन्‍न परमप्रभु यावे आ का ला बाक्‍शा लोव़ गेशो बाक्‍त।

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 3:8

अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

ब्‍यवस्‍था 6:4

इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५