रोमी 3:12 - Sunuwar Bible

¹² नेल्‍लेमी रिम्‍शो लां प्रोंइशा हेंथे गाक्‍नीम। रिम्‍शो पाइब का यो मबाक्‍नीम” दे ब्रेक्‍शो बाक्‍ब। भजन संग्रह १४:१-३

रोमी 3:12 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

भजन संग्रह 14:3

तन्‍न मुर नेल्‍ल परमप्रभु कली प्रोंइशा, दूली पाइब दुम्‍तेक्‍म। रिम्‍शो पाइब का यो मबाक्‍नीम। उत्‍पत्ती ६:१२; रोमी ३:१०-१२

भजन संग्रह 53:1

मूर्खपुकीमी आन थुंमी “परमप्रभु मबाक्‍ब” देंनीम। मेकोपुकी काइ मरिम्‍शो दुम्‍शा ग्रांग्रा दिचा ङा गेय पाइनीम। रिम्‍शो पाइब का यो मबाक्‍नीम।

भजन संग्रह 53:3

मुर नेल्‍ले हेंथे लां खोइश्‍शो बाक्‍नीम। मेको नेल्‍ले दूली पाइब बाक्‍नीम। रिम्‍शो पाइब का यो मबाक्‍नीम।

प्रस्‍थान 32:8

मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

उपदेसक 7:29

परमप्रभुमी मुर आन कली ठीक पाइब सेल्‍तु। तन्‍न मुरपुकीम आन दाक्‍शो पाइनीम” देंत। उत्‍पत्ती १:२७

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

यसैया 59:8

मेकोपुकीम थुं नाइक्‍पाइक्‍तीक आ पर्बम मारेइ मतुइक्‍नीम। मेको आन लांम ठीक निसाफ मबाक्‍ब। मेकोपुकी हेंथे लां खोइक्‍नीम। सु सु मेको हेंथे लां गाक्‍नीमी, मेको यो थुं नाइश्‍शा बाक्‍चा मताइनीम।

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

येरमीया 2:13

मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८

मत्ती 25:30

एको काम मलाप्‍शो अल्‍से कली ग्रुंइशा, लाङगा ङा छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम।

रोमी 3:11

परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।

रोमी 3:13

“ग्रांग्रा दिचा ङा लोव़ ला पाइनीम। जोल पाइनीम। शुक्‍शी पा थुं खाइक्‍चा ङा लोव़ पाइनीम। भजन संग्रह ५:१०; भजन संग्रह १४०:४

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

फिलेमोन 1:11

साइ इ खिंमी बाक्‍मेनु, आ गेय रिम्‍शो मपथु, शोर गाक्‍शो बाक्‍माक्‍त। मुल आं कली शुश वारच पाइक्‍ती। मुल ङा मेरे इ थुं नुपाइक्‍चा ङा गेय पाइब, दे तुइश्‍शा, इ खिं लेश्‍शा सोइक्‍ताक्‍ङ।

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२