रोमी 3:11 - Sunuwar Bible

¹¹ परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।

रोमी 3:11 ပူးပေါင်းရင်းမြစ်များ

भजन संग्रह 53:2

मिनु परमप्रभुमी स्‍वर्ग रे मुर आन कली कोव़ब। मारदे कोव़ब देंशा हना, आ कली माल्‍ब, रुप्‍ब मुर का बाक्‍म कों, दे कोव़ब।

भजन संग्रह 53:4

मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।

भजन संग्रह 94:8

गे, निप्‍स मपाइश्‍शो मुरपुकी रुपीन। गे, मूर्खपुकी गेना जोक्‍ब तुइक्‍ब दुम्‍नीनी?

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

हितोपदेस 1:7

परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

यसैया 55:6

परमप्रभु यावे कली मथिन्‍नी सम्‍म मालीने। मेको आ नेक्‍था बाक्‍मेनु, मेको कली पुनीन। येरमीया २९:१३-१४; आमोस ५:४

यसैया 65:1

परमप्रभु यावेमी “गो आं कली मतुइक्‍ब आन कली माल्‍ब सेल्‍तामी। आं कली ममाल्‍बमी आं कली थित्‍तीमी। आं नें मथीब रागी ङा मुर आन कली गो ‘गो एके बाक्‍ती। गो एके बाक्‍ती’ दे माइक्‍तामी। रोमी १०:२०

यसैया 9:13

मो हना यो मुर आन कली तुप्‍ब गे मलेम्‍म। मिनु मेकोपुकीमी मुर नेल्‍ल आन परमप्रभु यावे कली ममाल्‍नीम। यसैया १०:३३

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

होसे 7:10

इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 3:10

मिनु “रिम्‍शो पाइब सुइ मबाक्‍नीम। रिम्‍शो पाइब का यो मबाक्‍ब। अय्‍युब ४:१७

रोमी 3:12

नेल्‍लेमी रिम्‍शो लां प्रोंइशा हेंथे गाक्‍नीम। रिम्‍शो पाइब का यो मबाक्‍नीम” दे ब्रेक्‍शो बाक्‍ब। भजन संग्रह १४:१-३

रोमी 8:7

मुर आ थुंमी परमप्रभु यावे कली मदाक्‍ब आ जोरी सत्रु दुम्‍शा, आ देंशो मटीब। मारदे हना परमप्रभु यावे आ अरेशो लोव़ थमा पा टिने मचाप्‍ब। याकूब ४:४

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३