रोमी 2:21 - Sunuwar Bible

²¹ तन्‍न अर्को आन कली शेंशो, आंम कली मशेंसीनीनी। खुइ मपचा दे शेंनीनी। तन्‍न गे खुइ पाइनीनी। भजन संग्रह ५०:१६-२१; मत्ती २३:२,४

रोमी 2:21 ပူးပေါင်းရင်းမြစ်များ

यसैया 42:20

मेकोमी शुश मार मार ताइब। तन्‍न मकोव़ब। मेको नोफा नेंब बाक्‍ब, तन्‍न मनेंब” देंत। यसैया ५३:१

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

इजीकीएल 22:27

मेकेर बाक्‍ब आन ठेयब मुर नेल्‍ल फर खोदेंशो बाक्‍नीम। मेकोपुकीम सिखार ग्‍यारनीम। मुर आन कली साइक्‍नीम नु क्‍येट तचा कली मुर आन कली खतम सेल्‍नीम।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मत्ती 21:13

मिनु “ ‘आं खिं आं कली मान पतीके बाक्‍ब’ दे ब्रेक्‍शो बाक्‍ब। गेपुकीमी चहिं खुइ आन बाक्‍तीके पुक्‍खी सेल्‍तीनी” दे हुइक्‍ताक्‍मी। यसैया ५६:७, येरमीया ७:११

लूका 11:46

येसुमी “आबी, सास्‍त्रीपुकी गे यो खतम बाक्‍नीनी। मारदे हना हेल्‍शो भारी सेल्‍शा, मुर आन कली कुरपाइक्‍नीनी। गे चहिं ब्रेप्‍चो कामी यो नेप्‍शा वारच मपाइनीनी।

लूका 12:47

मिनु होव़प आ देंशो रुप्‍शा यो मतुइश्‍शो खोदेंशो पा मेको आ देंशो मटीब गेय पाइब शुश तुप्चा पुंइसीब। याकूब ४:१७

लूका 19:22

मिनु ठेयब मुरुमी ‘गो इ लोव़म इ कली निसाफ पाइनुङ। आं देंशो मटीब गेय पाइब बाक्‍नेवे। मार मगेङा, मेको ताक्‍नुङ। मार मशोक्‍गु, मेको खुप्‍‍नुङ। गो मरिम्‍शो मुर नङा दे गे तुइश्‍शोन नवे?

लूका 4:23

मिनु येसुमी मेको आन कली “गे इच्‍ची ना आं कली ‘मुर आन कली सापाइक्‍ब, गे इ कली यो सापतो’ देंतीक लोव़ देंनीनी। मिनु ‘गो कापेरनाउम सहरम चिन्‍ड नु छक लाक्‍चा ङा गेय पशो नेंतक। मुल इ कोल्‍तीक सहरम, एकेर यो मोदेंशो पावो’ दे आं कली देंनीनी” देंमाक्‍त।

१ कोरिन्‍थी 9:27

तन्‍न आं रां कली हेंथे पचा मगेथु, गेय पाइब वाइल खोदेंशो सेल्‍नुङ। मारदे हना अरु आन कली मोदेंशो शेंताक्‍ङमी। मिनु गो आंम आं देंशो मपाता हना, आं कली सुइमी महिक्‍नीम। रोमी १३:१४

गलाती 6:13

आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।