रोमी 2:2 - Sunuwar Bible

² परमप्रभु यावेमी मरिम्‍शो गेय पाइब आन कली ठीक निसाफ पशा, सजाइ गेब, दे तुइक्‍नय।

रोमी 2:2 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

अय्‍युब 34:23

परमप्रभुम आ ङोंइती निसाफ पुंइथ जाक्‍ब मुर आन कली ‘एको नाक्‍त जाक्‍कीन’ मदेंशो बाक्‍ब।

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 9:4

मारदे हना गे ठीक निसाफ पाइब बाक्‍शा, इन ठेयब नित्‍तीकेमी निश्‍शो बाक्‍तीनी। मिनु आं ठीक गेय पशो तुइश्‍शा, गे आं कली निसाफ पाइतीनी।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

यसैया 45:19

गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

इजीकीएल 18:25

मो हना यो गेपुकीम ‘परमप्रभु आ पशो ठीक मबाक्‍ब’ देंनीनी। इस्राएल आ खिं ङा मुर नेनीन, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?

इजीकीएल 18:29

मो हना यो इस्राएल आ खिं ङा मुरपुकीमी ‘परमप्रभु यावे आ पशो ठीक मबाक्‍ब’ देंनीम। ए इस्राएल आ खिं ङा मुर, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

सेफन्‍याह 3:5

मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

रोमी 2:3

गे अरु आन कली दोस गेशा, गे चहिं खाल का ङा पाइतीनी हना “गो परमप्रभु यावे आ सजाइ रे ब्रोंइचा ताइनीकी” दे मिम्‍नीनी?

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

रोमी 9:14

मोदेंशो बाक्‍त हना, गो मार देंचा? परमप्रभु यावेमी ठीक गेय मपवा ङा? ममाइ।

प्रकाश 16:5

मिनु ब्‍वाक्‍कु कली कोव़ब परमप्रभु यावे आ स्‍वर्ग ङा गेय पाइबमी परमप्रभु यावे कली “इन मुर आन कली पशो निसाफ ठीक बाक्‍ब। गे मुल बाक्‍नीनी। मिनु गे ङोंइती यो बाक्‍तीनी। गे का ला परमप्रभु बाक्‍नीनी।

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३