रोमी 2:14 - Sunuwar Bible

¹⁴ मोपतीके अर्को रागी ङा मुरपुकीमी परमप्रभु यावे आ अरेशो लोव़ मतुइक्‍ताक्‍म हना यो, मार पचा दुम्‍बा, मार पचा मदुम्‍बा, दे तुइश्‍शा, गेय पाइनीमी, मेको आन आगामी अरेशो लोव़ बाक्‍ब। प्रेरित १०:३५

रोमी 2:14 ပူးပေါင်းရင်းမြစ်များ

प्रेरित 10:35

मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

प्रेरित 14:16

साइ ङोंइती रे मुल सम्‍म परमप्रभु यावेमी रागी नेल्‍ल आन कली आन दला दाक्‍स पचा गेशो बाक्‍त। प्रेरित १७:३०

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

रोमी 2:12

परमप्रभु यावे आ अरेशो लोव़ मतुइक्‍थु, पाप पाइबपुकी मेको आन मतुइश्‍शोमीन जाम्‍शा लाइनीम। परमप्रभु यावे आ अरेशो लोव़ तुइश्‍शा यो पाप पाइबपुकी मेको लोव़मीन निसाफ प‍चा पुंइसीनीम।

रोमी 2:15

मेको मुर आन थुंमी अरेशो लोव़ ब्रेक्‍सीशो बाक्‍ब, दे कोंइनीम। मेको आन थुंमी आन पशो आ पर्बम रिम्‍शो बाक्‍ब देय मरिम्‍शो बाक्‍बा सांकछी गेब। रोमी १:३२

रोमी 2:27

मेको अर्को रागी ङा ख्रोइक्‍तीक चिनु मख्रोइश्‍शो मुरपुकीमी यहूदी आन क्‍येङा आंमा आन थुं रे ठीक पाइनीम। मिनु निसाफ दुम्‍ची ना परमप्रभु यावे कली मटीब यहूदी आन कली दोस गेनीम।

१ कोरिन्‍थी 11:14

वोंइश मुरपुकीमी लाइश्‍शो चां थुल्‍चा मुने दुम्‍ब, दे आंमा मतुइक्‍नीनी?

१ कोरिन्‍थी 9:21

गो परमप्रभु यावे आ अरेशो लोव़ मतुइक्‍ब आन कली शें‍दुनु, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो परमप्रभु यावे आ अरेशो मपाइब खोदेंशो दुम्‍ती। गो परमप्रभु यावे आ अरेशो मपाइब दुम्‍शा यो, मेको आ ङोंइती ख्रीस्‍त आ अरेशो पाइब दुम्‍ती। गलाती २:३

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

ब्‍यवस्‍था 4:7

मिनु परमप्रभु यावे इं परमप्रभुमी आंइ नेक्‍था बाक्‍शो नु आंइ पुंइशो लोव़ नेंब खोदेंशो पा तेको अर्को ठेयब जात ङा देवी देवताम मोदेंशो पाइनीमी? २सामुएल ७:२३

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।