रोमी 16:7 - Sunuwar Bible7 इं यहूदी जात ङा अन्ड्रोनीकस नु युनीयस साइ येसु आ नेंमी गो नु जेल्खानम बाक्शो नसी। आं क्येङा ङोंइती मेको निक्शीमी ख्रीस्त कली थमा सुइक्ताक्से। ख्रीस्त आ सोइश्शो आन दातेमी शुश जोक्ब दुम्ताक्से। मेको आस कली “रिम्शो बाक्कीसे” दे माइक्चा। အခန်းကိုကြည့်ပါ။ |
मार, मेको ख्रीस्त आ गेय पाइब नमी? गो यो ख्रीस्त आ गेय पाइब नङ। गो मेको आन क्येङा रिम्शो गेय पाइब नङ। गो गशो मुरुम खोदेंशो लोव़ पाइनुङ। गो मेको आन क्येङा शुश गेय पाता। मेको आन क्येङा शुश चोक्चा पुंइसाक्यी। मेको आन क्येङा तुप्चा पुंइसाक्यी। हेर हेरा साइक्चा पुंइसाक्यी। १कोरिन्थी १५:१०; २कोरिन्थी ६:४-५
येसु ख्रीस्तमी यरूसलेमम बाक्ब सोइश्शोपुकी नु लोव़सी पथ लावो, दे तुइक्पाइक्तीके लशो नङ। मिनु जाक्दीश्शा, सोइश्शोपुकी नु अरु आन कली लां कोंइब दुम्शो आन कली खुप्शा, अर्को रागी ङा मुर आन कली मार मार शेंदुमी, मेको नेंपाइक्तामी। मारदे हना मेकोपुकीमी गोम शेंशो तुइक्चा माल्नीम। मतुइक्ताक्म हना, आं मिम्शो नु आन मिम्शो मगारब। मिनु आं देंशो मनेंनीम, दे मिम्शो नङ। मिनु मेको नेंपदुमीनु, आं देंशो ठीक लाक्तेक्म।
मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।