रोमी 16:2 - Sunuwar Bible

² फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।

रोमी 16:2 ပူးပေါင်းရင်းမြစ်များ

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

प्रेरित 9:13

मिनु हनानीयामी “आमाइ, प्रभु, गो शुश मुर आन शोव़ रे मेको मुर आ पर्बम शुश मरिम्‍शो लोव़ नेंता। मेकोमी यरूसलेममी बाक्‍ब थमा सुइक्‍ब आन कली शुश श्‍येत गेशा, खेदा पना पन बाक्‍ब देंशो नेंता।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

प्रेरित 9:36

योप्‍पा सहरमी तबीता नें पाइश्‍शो थमा सुइक्‍ब मीश मुर का बाक्‍माक्‍त। ग्रीक लोव़मी मेको आ नें दोरकास, किश्‍श रुम्‍सीब। तबीता गेना हना यो सुइ सुइ आन कली रिम्‍शो पाइबाक्‍माक्‍त। मथीब आन कली शुश वारच पाइबाक्‍माक्‍त।

प्रेरित 9:39

मिनु पत्रुस मेको आस लोव़ नेंशा मेको नु काथा ल‍माक्‍त। मिनु जाक्‍मेनु, तला तारी लदमे बाक्‍त। तला तारी आन वोंइश बेक्‍शो मारेइ मथीब मीश मुर खुम्‍सीशा ङाक्‍ना ङाक्‍न बाक्‍शो बाक्‍मा बाक्‍त। मिनु पत्रुस कली “तबीतामी शुश वारच पाइक्‍तीकी, ओदेंशो वा फेरशा गेतीकी” दे तबीतामी फेरशा गेशो वापुकी कोंइदमे बाक्‍त।

प्रेरित 9:41

मिनु पत्रुसमी आ गुइ कीशा पोक्‍गा बाक्‍त। मिनु लाङगा सोइश्‍शो नु प्रभु आ योव़शो नेल्‍ल आन कली खिं गा ब्रेश्‍शा, तबीता कली बेक्‍शो रे सेंपाइश्‍शो कोंइदा बाक्‍त।

रोमी 15:7

दोपा येसु ख्रीस्‍तमी इन कली दाक्‍शा ब्रवा। मोपान गेपुकी यो दाक्‍मुशा ब्रमुने। मो पनीनु, परमप्रभु यावे कली ठेयब सेल्‍नीनी।

रोमी 16:15

फिलोलोगस, युलीया, नेरीयस, नेरीयस आ दिदी, ओलीम्‍पास नु मेको नेल्‍ल आन खिंम बाक्‍ब थमा सुइक्‍ब आन कली यो “रिम्‍शो बाक्‍कीन” दे मतीने।

रोमी 16:23

गोम चिठी ब्रेक्‍पदुनु, गायस आं खिंमी बाक्‍तक। मिनु गायस नु आ खिंमी देल्‍ब थमा सुइक्‍बपुकीमी यो इन कली “रिम्‍शो बाक्‍कीन” दे माइक्‍चा देंतेक्‍म। इरास्‍तस माइश्‍शो सरकार आ गेय पाइबमी यो इन कली “रिम्‍शो बाक्‍कीन” देंत। थमा सुइक्‍ब इं लोक्‍ब क्‍वारटसमी यो इन कली “रिम्‍शो बाक्‍कीन” देंत। १कोरिन्‍थी १:१४

रोमी 16:6

इन कली शुश वारच पाइब मरीयम कली यो “रिम्‍शो बाक्‍को” दे माइक्‍चा।

रोमी 16:9

गोपुकी नु ख्रीस्‍त आ गेय पा उरबानस कली “रिम्‍शो बाक्‍को” दे माइक्‍चा। आं दाक्‍शो स्‍ताकीस कली “रिम्‍शो बाक्‍को” दे माइक्‍चा।

एफिसी 5:3

मोपतीके गेपुकी परमप्रभु यावे आ मुर दुम्‍शा, इन दातेमी तेल्‍लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्‍म यो मपने। मेको परमप्रभु यावे आ मुर आन कली रिम्‍शो दुम्‍ब। कलस्‍सी ३:५

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 2:29

गेपुकीमी प्रभु आ नेंमी मेको कली रिम्‍शो पने, ग्‍येरसीने। मोदेंशो मुर कली ठेयब सेलीन। १कोरिन्‍थी १६:१६

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

१ तिमोथी 2:10

परमप्रभु यावे कली मिम्‍ब मीश मुर रिम्‍शो पतीकेमी “गो परमप्रभु यावे कली दाक्‍ब नङ” दे कोंइनीम। १तिमोथी ५:१०

२ तिमोथी 1:18

प्रभुमी मेको कली आ निसाफ पतीक नाक्‍तीमी शिशी पवल। मेकोमी एफिसस सहरमी शुश गेय पाप्‍तु, दे यो तुइक्‍नेवे।

तीतस 2:3

मिनु खाल्‍पी आन कली मार शेंचा माल्‍नेवे देंशा हना, खाल्‍पीपुकी रिम्‍शो थमा सुइक्‍ब दुम्‍चा माल्‍नीम। हेंथे लोव़ पचा मदुम्‍ब। शुश शांबु तूचा मदुम्‍ब। खाल्‍पीपुकी रिम्‍शो गेय शेंब दुम्‍चा माल्‍नीमी।

फिलेमोन 1:12

मेको कली सोइश्‍शो ला ममाइ, पावलन जाक्‍शो मिम्‍तो।

फिलेमोन 1:17

मोपतीके वारच मिम्‍ताक्‍यी हना, आं कली ब्रशो खोदेंशो पा ओनेसीमस कली ब्रावो।

२ यूहन्‍ना 1:10

सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६