रोमी 16:19 - Sunuwar Bible

¹⁹ गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०

रोमी 16:19 ပူးပေါင်းရင်းမြစ်များ

भजन संग्रह 101:2

गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

लूका 10:3

मिनु गे लने। भेडा पाठा आन कली फर आन दातेमी सोइश्‍शो खोदेंशो पा सोइक्‍तान्‍नी।

रोमी 1:8

गेपुकीमी येसु ख्रीस्‍त कली थमा सुइश्‍शो नेल्‍लेमी तुइक्‍नीम। मिनु गो आं परमप्रभु यावे कली “रोम सहरम बाक्‍ब आन कली रिम्‍शो पाइतीनी” दे ठेयब सेल्‍नुङ। रोमी १६:१९

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

फिलिप्‍पी 1:9

आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

कलस्‍सी 3:16

ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९