रोमी 16:13 - Sunuwar Bible

¹³ प्रभुम योव़शो थमा सुइक्‍ब रुफुस कली “रिम्‍शो बाक्‍को” दे माइक्‍चा। साइ रुफुस आ म‍मामी आं कली आ तौ खोदेंशो पती। मेको कली यो “रिम्‍शो बाक्‍को” दे माइक्‍चा। मर्कूस १५:२१

रोमी 16:13 ပူးပေါင်းရင်းမြစ်များ

मत्ती 20:16

मोदेंशो पान, नोले दुम्‍बपुकी ङोंइती दुम्‍नीम, ङोंइती दुम्‍बपुकी नोले दुम्‍नीम” दे शेंताक्‍मी।

मर्कूस 15:21

मिनु लना लन बाक्‍मानु, आ गाउं रे पिशो साइरेनी ङा सिमोन ग्रुम्‍मे बाक्‍त। मेको सिमोन अलेकजन्‍डर नु रुफुस आस आफ बाक्‍माक्‍त। मेको कली ग्रुम्‍शा, येसु कली क्‍येप्‍तीक शी “लो, कुर कि कुर” दे कुरपदमे बाक्‍त। रोमी १६:१३

मर्कूस 3:35

परमप्रभु यावे आ दाक्‍शो पाइबपुकी आं लोक्‍ब नु आं ममा नम” देंमाक्‍त।

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 19:27

मिनु आ शेंसीब कली “गेमी यो इम्‍मा खोदेंशो मिम्‍तो” दे माइक्‍तु। मेना रे मेको शेंसीबमी येसु आ ममा कली आ ममा मिम्‍शा, आ खिंम वोइक्‍तु।

रोमी 16:12

प्रभु आ गेय पाइब त्रिफेना नु त्रिफोसा दिदी आस कली यो “रिम्‍शो बाक्‍कीसे” दे माइक्‍चा। प्रभु आ शुश गेय पाइब आं दाक्‍शो पेरसीस दिदी कली यो “रिम्‍शो बाक्‍को” दे माइक्‍चा।

रोमी 16:14

असीनक्रीतस, फ्‍लेगन, हेरमेस, पत्रोबास, हेरमेस नु मेकोपुकी नु बाक्‍ब थमा सुइक्‍ब लोक्‍ब नेल्‍ल आन कली यो “रिम्‍शो बाक्‍कीन” दे माइक्‍चा।

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

१ तिमोथी 5:2

मीश मुर आन कली इम्‍मा खोदेंशो मिम्‍तो। ठिटी आन कली समी खोदेंशो मिम्‍तो। मोपा नेल्‍ले रिम्‍शो पावो।

२ यूहन्‍ना 1:1

गो येसु ख्रीस्‍त कली थमा सुइक्‍ब आन शेंब खाल्‍पामी आ योव़शो मीश मुर नु आ आल इन कली चिठी ब्रेक्‍ताक्‍न्‍नी। गो इन कली थमा पा दाक्‍नन्‍नी। गो ला ममाइ, सु सुम परमप्रभु यावे आ पर्बम थमा शेंतीके तुइक्‍तमे, मेकोपुकीमी यो इन कली दाक्‍नीमी। ३यूहन्‍ना :१