रोमी 16:10 - Sunuwar Bible

¹⁰ ख्रीस्‍त कली रिम्‍शो पा थमा सुइक्‍ब अपेल्‍लेस कली “रिम्‍शो बाक्‍को” दे माइक्‍चा। अरीस्‍तोबलस आ खिं ङा मुर नेल्‍ल आन कली यो “रिम्‍शो बाक्‍कीन” दे माइक्‍चा।

रोमी 16:10 ပူးပေါင်းရင်းမြစ်များ

रोमी 14:18

गे मोपा ख्रीस्‍त आ गेय पाइतीनी हना, परमप्रभु यावे आ दाक्‍शो नु मुर आन ङोंइती मान ततीक दुम्‍ब।

रोमी 16:3

अक्‍वीला नु प्रिस्कीला साइ गो नु गारशा, ख्रीस्‍त येसु आ गेय पाम्‍ताक्‍से। मेको आस कली “रिम्‍शो बाक्‍कीस” देनीन। प्रेरित १८:२; प्रेरित १८:२६

रोमी 16:7

इं यहूदी जात ङा अन्‍ड्रोनीकस नु युनीयस साइ येसु आ नेंमी गो नु जेल्‍खानम बाक्‍शो नसी। आं क्‍येङा ङोंइती मेको निक्‍शीमी ख्रीस्‍त कली थमा सुइक्‍ताक्‍से। ख्रीस्‍त आ सोइश्‍शो आन दातेमी शुश जोक्‍ब दुम्‍ताक्‍से। मेको आस कली “रिम्‍शो बाक्‍कीसे” दे माइक्‍चा।

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

१ कोरिन्‍थी 11:19

एर ओंथ ब्रा‍शा बाक्‍चा चहिं दुम्‍चा माल्‍ब। मारदे हना लोव़ रुप्‍ब नु मरुप्‍बपुकी दिल्‍नीम। मत्ती १८:७; १यूहन्‍ना २:१९

२ कोरिन्‍थी 12:2

गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब।

२ कोरिन्‍थी 2:9

गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

२ कोरिन्‍थी 8:22

मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।

गलाती 1:22

यहूदीया रागीम बाक्‍ब ख्रीस्‍त कली थमा सुइक्‍ब आन ग्रुम्‍तीकेमी आं कली गेनायो मतशो बाक्‍मा बाक्‍त।

ब्‍यवस्‍था 8:2

मिनु परमप्रभु यावे, इन परमप्रभुमी इन कली ४० बर्स सम्‍म गोरशो रागीमी बाक्‍पाइक्‍तु। इन कली मारदे मोदेंशो पाप्‍तु देंशा हना, इन कली ब्रेम्‍पाइक्‍चा, इन थुं नाक्‍चा नु गे इन नेल्‍ल थुंमी आ शेंशो पाइनीनी देय मपाइनीनी, दे तुइक्‍चा कली इन कली मेको ४० बर्स सम्‍म मेकेर गाक्‍पाइक्‍तु। ब्‍यवस्‍था १३:४; उत्‍पत्ती २२:१; प्रस्‍थान १६:४; प्रस्‍थान २०:२०; न्‍यायाधीस २:२२

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

१ तिमोथी 3:10

ङोंइती गे मेको आन थुं कोव़चा माल्‍नेवे। मिनु शुश रिम्‍शो पाइब बाक्‍ब, दे तुइश्‍शा ला थमा सुइक्‍ब आन ग्रुम्‍तीके खिंमी गेय पचा कली वोइक्‍ने चाप्‍नेवे।

२ तिमोथी 4:19

प्रिस्‍कीला, अक्‍वीला नु ओनेसीफरस आ खिं ङा मुर नेल्‍ल आन कली “रिम्‍शो बाक्‍कीन” देनो। प्रेरित १८:२; २तिमोथी १:१६

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०