रोमी 15:3 - Sunuwar Bible

³ ख्रीस्‍तमी यो आंमा दाक्‍शो मपव “इन कली पशो शुक्‍शी, आं तार मोंइसाक्‍व” दे ब्रेक्‍शो बाक्‍ब। भजन संग्रह ६९:९

रोमी 15:3 ပူးပေါင်းရင်းမြစ်များ

भजन संग्रह 69:20

आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।

भजन संग्रह 69:9

मारदे हना इन खिं कली दाक्‍तीके नाक्‍त किंत किंत आं ङोंइती बाक्‍ब। इन कली पशो शुक्‍शी आं कली दुम्‍त। भजन संग्रह ११९:१३९; यूहन्‍ना २:१७; रोमी १५:३

मत्ती 10:25

शेंब नु शेंसीब, होव़प नु आ गेय पाइब कांइचीक दुम्‍ने चाप्‍नीम। खिं ङा ठेयब मुर कली बेल्‍जीबुल, दे शुक्‍शी पाइक्‍तेक्‍म हना, आ खिं ङा मुर आन कली शुक्‍शी मपाइनीमी ङा? मत्ती १२:२४

मत्ती 26:39

मिनु इच्‍का ङोंइती लशा, खुम्‍की पा खपीम बाप्‍शा “आं आफ, दुम्‍ब हना, एको कचौरा आं कली मतूपाइक्‍थु सोइक्‍तीने। तन्‍न आं दाक्‍शो मदुम्‍ल, इन दाक्‍शोन दुम्‍ल” दे प्रार्थना पशा, लेश्‍शा जाक्‍माक्‍त। यूहन्‍ना १८:११; यूहन्‍ना ६:३८; हिब्रू ५:८

मत्ती 26:42

मिनु लेंशा इच्‍का आइक्‍ची लशा “आं आफ, गोमी एको मतूथु सोइक्‍चा मदुम्‍बाक्‍त हना, इन दाक्‍शो दुम्‍ल” दे प्रार्थना पवा बाक्‍त।

मत्ती 27:44

आ ग्‍युरा नु पेरा गे क्‍युक्‍शो खुइ निक्‍शीमी यो मोदेंशो पान शुक्‍शी पदसे बाक्‍त।

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

यूहन्‍ना 5:30

मिनु गो आंम अधिकारमी मारेइ पने मचाप्‍नुङ। गो दोदेंशो नेंनुङ, मोदेंशो पा निसाफ पाइनुङ। आं निसाफ चहिं ठीक बाक्‍ब। मारदे हना आं दाक्‍शो मपथु, आं कली सोइक्‍ब आ देंशो पाइनुङ। यूहन्‍ना ६:३८

यूहन्‍ना 6:38

मारदे हना गो आं दाक्‍शो गेय पथ ममाइ, तन्‍न आं कली सोइक्‍ब आ दाक्‍शो गेय पचा कली स्‍वर्ग रे जाक्‍शो नङ। यूहन्‍ना ४:३४

यूहन्‍ना 8:29

मिनु आं कली सोइक्‍ब गो नु बाक्‍ब। आं कली गेनायो मप्रोंइब। मारदे हना गो आ दाक्‍शो गेय ला पाइनुङ” दे मुर आन कली देंत।

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७

फिलिप्‍पी 2:5

ख्रीस्‍त येसु नु बाक्‍शो थुं इन दातेमी कोंइदीन।

फिलिप्‍पी 2:8

मिनु मुर दुम्‍शा, साइक्‍चा पुंइसीचा सम्‍म परमप्रभु यावे कली टिशा, शीम क्‍याइश्‍शा साइक्‍चा पुंइसीशा, आ ब्रेम्‍शो थुं कोंइताक्‍व। लूका १४:११; हिब्रू १२:२; हिब्रू ५:८