रोमी 15:26 - Sunuwar Bible

²⁶ मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

रोमी 15:26 ပူးပေါင်းရင်းမြစ်များ

हितोपदेस 14:21

सुम आ नेक्‍था ङा मुर कली दिप्‍बा, मेकोमी पाप पाइब। तन्‍न सुमी प्रुङग आन कली वारच पाइबा, मेको ग्‍येरसीशो मुर बाक्‍ब। भजन संग्रह ४१:२

हितोपदेस 14:31

सुम प्रुङग आन कली दिप्‍बा, मेकोमी प्रुङग आन कली सेल्‍ब कली शुक्‍शी पाइब। तन्‍न सुमी प्रुङग आन कली शिशी पाइबा, मेकोमी परमप्रभु यावे कली मान पाइब। हितोपदेस १७:५; अय्‍युब ३१:१३-१५; मत्ती २५:४०

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

जकरिया 11:11

मेको कबल मेको नाक्‍ती क्‍याम्‍ताक्‍ङ। भेडा लेयबपुकीमी आं कली कोव़ना कोव़न बाक्‍तेक्‍म। मेकोपुकीमी एको परमप्रभु यावे आ लोव़ बाक्‍माक्‍त, दे तुइक्‍ताक्‍म। जकरिया ११:७

जकरिया 11:7

मोपतीके क्‍योरचा चिक्‍शो भेडा लेयब आन पा ङा गो गोठला दुम्‍ती। गो कोक्‍के निक्‍शी ग्‍याइक्‍ताक्‍‍ङ। मिनु गो का कली शिशी पतीक नु अर्को कली थुं का दुम्‍तीक नें वोइक्‍ता। मिनु गो भेडा आन कली योव़तामी।

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 26:11

श्‍येत जशो मुर गेना हना यो थित्‍नीनी, आं कली चहिं मथित्‍नीनी। ब्‍यवस्‍था १५:११

लूका 14:13

भोज पवीनु, प्रुङग आन कली कूंजी कुंजे, नु मिक्‍च मताइब आन कली ब्रेत्‍तीमी। ब्‍यवस्‍था १४:२९

लूका 6:20

मिनु येसुमी शेंसीब आन कली कोव़शा “गे प्रुङग मुर, ग्‍येरसीने। मारदे हना परमप्रभु यावे आ राज्‍य इन के बाक्‍ब। याकूब २:५

प्रेरित 16:12

मेकेर जाक्‍दीश्‍शा जहाज रे तोंइ‍साक्‍क। मिनु गाक्‍शा फिलिप्‍पी सहरमी जाक्‍दीत्‍तक। फिलिप्‍पी मासीडोनीया रागी ङा ठेयब सहर का बाक्‍ब। मेको रागी रोमी आन गुइमी बाक्‍माक्‍त। गोपुकी फिलिप्‍पी सहरमी इच्‍का नाक्‍ती बाक्‍तक।

प्रेरित 16:9

मिनु त्रोआस सहरमी बाक्‍मानु, काबु नाक्‍दो प्रभुमी पावल कली कोंइतीक कोंइदा बाक्‍त। मार कोंइदा बाक्‍त देंशा हना, मासीडोनीया रागी ङा मुर का पावल आ ङोंइती राप्‍शा “आंइ मासीडोनीया रागी पिशा, आंइ कली वारच पाइक्‍चा नकी, हजुर” दे पुंइशो तवा बाक्‍त।

प्रेरित 18:12

आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 9:13

मिनु हनानीयामी “आमाइ, प्रभु, गो शुश मुर आन शोव़ रे मेको मुर आ पर्बम शुश मरिम्‍शो लोव़ नेंता। मेकोमी यरूसलेममी बाक्‍ब थमा सुइक्‍ब आन कली शुश श्‍येत गेशा, खेदा पना पन बाक्‍ब देंशो नेंता।

१ कोरिन्‍थी 16:15

आं लोक्‍बपुकी, आकाया रागीम नेल्‍ल क्‍येङा ङोंइती थमा सुइक्‍बपुकी स्‍तीफानस नु आ खिं ङा मुर बाक्‍तेक्‍म दे तुइक्‍नीनी। मेकोपुकीमी थमा सुइक्‍ब आन कली वारच पा रिम्‍शो गेय पा शेंना शेंन गाक्‍नीम। १कोरिन्‍थी १:१६

१ कोरिन्‍थी 16:5

गो मासीडोनीया रागी लाक्‍‍शा, इन कली ग्रुम्‍थ जाक्‍नुङ। प्रेरित १९:२१

२ कोरिन्‍थी 1:16

गो मासीडोनीया लङानु, इन कली ग्रुम्‍नुङ। मिनु मासीडोनीया रे लेङङानु, इन बाक्‍तीके जाक्‍नुङ। मिनु गेपुकीमी आं कली यहूदीया रागी सम्‍म चोक्‍नीनी, दे आस पाता। १कोरिन्‍थी १६:५-६

२ कोरिन्‍थी 11:9

गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।

२ कोरिन्‍थी 2:13

तन्‍न आं दाक्‍शो लोक्‍ब तीतस कली मग्रुम्‍थु, आं थुं मनाइक्‍स। मोपतीके मेको आन कली प्रोंइ‍शा, मासीडोनीया लती। २कोरिन्‍थी ७:६; प्रेरित २०:१

२ कोरिन्‍थी 7:5

गो मासीडोनीया रागीम शेंना शेंन गाक्‍कानु, शुश श्‍येत जाइतक। मुरपुकीमी गडङ मडङ पा खेदा पा श्‍येत गेतीकी। मिनु शुश हिंचा माल्‍तक। प्रेरित २०:१-२; २कोरिन्‍थी ४:८

२ कोरिन्‍थी 9:12

मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम

२ कोरिन्‍थी 9:2

साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। २कोरिन्‍थी ८:१९

२ कोरिन्‍थी 9:4

मारदे हना गो इन बाक्‍तीके जाक्‍ङानु, मासीडोनीया ङा मुर आन ङोंइती गे क्‍येट मपोक्‍थु बाक्‍शा मुने मदोक्‍कीन, दे मेको सां आन कली इन बाक्‍तीक सोइक्‍ताक्‍ङ।

फिलिप्‍पी 4:15

ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९

१ थिस्‍सलोनिकी 1:7

मोपा गेपुकी मासीडोनीया नु आकाया रागी ङा थमा सुइक्‍ब आन कली रिम्‍शो कोंइतीक दुम्‍तीनी।

१ थिस्‍सलोनिकी 1:8

ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।

१ तिमोथी 1:3

गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३

फिलेमोन 1:5

मारदे हना गे थमा सुइक्‍ब नेल्‍ल आन कली शुश दाक्‍शो नु इ येसु ख्रीस्‍त कली थमा सुइश्‍शो आ पर्बम नेंता।