रोमी 15:19 - Sunuwar Bible

¹⁹ परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२

रोमी 15:19 ပူးပေါင်းရင်းမြစ်များ

मत्ती 12:28

गोमी परमप्रभु आ सोक्‍तीमी वोल आन कली खेरनुङ हना, परमप्रभु यावे आ राज्‍य जाक्‍शो बाक्‍माक्‍त, दे तुइक्‍तीन। १यूहन्‍ना ३:८

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

प्रेरित 1:8

मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१

प्रेरित 13:14

पावल नु बारनाबास पेरगा रे गाक्‍शा, पिसीदीया रागी ङा एन्‍टीओक सहरमी जाक्‍दीस्‍सा बाक्‍त। मिनु नाइक्‍तीक नाक्‍ती ग्रुम्‍तीक खिं लशा, मेकेर देल्‍शो मुरपुकी नु निश्‍शा बाक्‍सा बाक्‍त।

प्रेरित 13:51

मेको निक्‍शी चहिं आस खोइल ङा फुरकु थुर थुर पा ताइश्‍शा, गाक्‍शा आइकोनीयम सहरमी जाक्‍दीस्‍सा बाक्‍त। प्रेरित १६:८; मत्ती १०:१४

प्रेरित 14:10

मेको कली मिक्‍च मयाक्‍थु कोव़शा, ठेयब सेंदा पा “इ खोइल दिंशा बोक्‍शा रपो” दे मदा बाक्‍त। मो मदानु, मेको छुल बोक्‍शा राप्‍शा एर ओंथ गाक्‍माक्‍त।

प्रेरित 14:20

मिनु थमा सुइक्‍बपुकी कोव़थ लशा, पावल आ एर ओंथ राम्‍मानु, सेंसीशा बोक्‍शा सहर लेम्‍माक्‍त। मिनु आ दीसा बारनाबास नु गाक्‍शा, डेरबे सहर जाक्‍दीस्‍सा बाक्‍त।

प्रेरित 14:25

मिनु पेरगा सहरमी ख्रीस्‍त आ लोव़ शेंशा, मेकेर रे ब्रुप्‍शा अत्‍तलीया जाक्‍दीस्‍सा बाक्‍त।

प्रेरित 14:6

मिनु पावल नु बारनाबासमी मेको आन मो पशो तुइश्‍शा, सहर रे प्रोक्‍शा, लाइकाओनीया रागी ङा लिस्‍त्रा नु डेरबे सहर लसा बाक्‍त।

प्रेरित 15:12

मिनु बारनाबास नु पावल आस पालो लोव़ पचा गोम्‍से बाक्‍त। अर्को रागी ङा मुरपुकी नु बाक्‍सानु, दोपा परमप्रभु यावेमी चिन्‍ड नु छक लाक्‍चा ङा गेय पपदा, मेको लोव़ नेल्‍ल तुइक्‍पदसे बाक्‍त।

प्रेरित 16:18

नाक्‍त किंत किंत मेकोमी मोदेंशा, रेयके पवानु, पावल ब्रीताक्‍व। मिनु काबु पावल नोले हिरशा, कोव़शा वोल कली “गो येसु ख्रीस्‍त आ नें थिशा ग्रूशा लावो, देंनुङ” दे हुइश्‍शा खेरतु। मर्कूस १६:१७

प्रेरित 17:10

मिनु थमा सुइक्‍बपुकीमी पावल, सिलास नु तिमोथी आन कली में नाक्‍दोन छुल छाल पोक्‍शा, बेरोइया सहर गे सोइक्‍तमे बाक्‍त। मिनु बेरोइया सहरमी जाक्‍दीश्‍शा, यहूदी आन ग्रुम्‍तीक खिं लशा, शेंचा गोव़मे बाक्‍त।

प्रेरित 17:15

पावल कली चोव़दीबपुकीमी एथेन्‍स सहर सम्‍म चोव़दीमा बाक्‍त। मिनु लेत्‍चामेनु, पावलमी मेको आन कली “सिलास नु तिमोथी आस कली आं बाक्‍तीके रीब पा सोइक्‍चा नसी” दे सोइक्‍तीमी बाक्‍त।

प्रेरित 18:1

मिनु नोले पावल एथेन्‍स रे लशा, कोरिन्‍थ सहरमी जाक्‍दीम्‍माक्‍त।

प्रेरित 18:19

मिनु एफिसस सहरमी जाक्‍दीश्‍शा, प्रिस्‍कीला नु अक्‍वीला आस कली “लो, गे एके बाक्‍कीसे” दे प्रोंइशा वोइक्‍सी बाक्‍त। मिनु पावल चहिं ग्रुम्‍तीक खिं लशा, यहूदीपुकी नु लोव़सी पचा गोवा बाक्‍त।

प्रेरित 19:1

आपोल्‍लोस मोपा शेंना शेंन गाक्‍शा, कोरिन्‍थ सहरमी जाक्‍दीम्‍माक्‍त। पावल चहिं एफिससमी जाक्‍दीम्‍माक्‍त। मिनु प्रभु आ लां खोइक्‍ब आन कली ग्रुमा बाक्‍त।

प्रेरित 20:20

मो पाम्‍तेक्‍म हना यो, गो इन खिं खिं हिरशा, इन कली ग्रुम्‍शा, का का पा शेंशा, इन कली रिम्‍शो दुम्‍ल, दे तुइक्‍पाइक्‍तन्‍नी। खिं खिं हिरशा ला ममाइ। गाउं सहरमी यो हिरशा, मुर आन बुक्‍तीकेमी जाक्‍दीश्‍शा, शेंना शेंन गाक्‍ती।

प्रेरित 20:6

बोरब ओख्‍ती मसुप्‍शो शोब्‍ले जची नाक्‍त लाक्‍शा, फिलिप्‍पी सहर रे जहाज ङोइश्‍शा, ५ नाक्‍त नोले त्रोआस सहरमी जाक्‍दीत्‍तक। मेकेर आंइ वारच आन कली ग्रुम्‍शा, ७ नाक्‍त मेक उइ बाक्‍तक।

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

रोमी 15:24

गो दीसा नित्‍थी एकेर रे गाक्‍शा, स्‍पेन रागी लाइनुङ। मिनु इन बाक्‍तीके यो ओव़शा ग्रुम्‍नन्‍नी। ग्रुम्‍यानु, ग्‍येरसीशा, आं थुं नाइक्‍चा तङल देंती। मिनु नोले आं कली स्‍पेन सम्‍म चोव़दीनीनी कों, दे आस यो पाता।

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०

२ कोरिन्‍थी 12:12

ख्रीस्‍त आ सोइश्‍शोन बाक्‍माक्‍त, दे कोंइचा कली गेपुकी नु बाक्‍ङानु, चिन्‍ड नु छक लाक्‍चा ङा गेय कोव़चा ताइतीनी। रोमी १५:१९; हिब्रू २:४

गलाती 3:5

परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।

कलस्‍सी 1:25

परमप्रभु यावे आ पतीकेमी मेको आन कली शेंब दुम्‍ती। परमप्रभु यावेमी आ लोव़ नेल्‍ल मेको आन कली शेंतीक गेय गेती। मोपा आ लोव़ खाप्‍चा कली शेंब सेल्‍ती।

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

हिब्रू 2:4

परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०