रोमी 15:15 - Sunuwar Bible

¹⁵ परमप्रभु यावेमी आं कली शिशी पा शेंब सेल्‍ती। मोपतीके गो एको चिठीमी इच्‍का ठेयब लोव़ पा ब्रेक्‍ताक्‍ङ। रोमी १:५; रोमी १२:३

रोमी 15:15 ပူးပေါင်းရင်းမြစ်များ

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 12:3

परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी

रोमी 12:6

गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्‍पाइश्‍शा नेंपाइक्‍ब योव़तु हना, थमा सुइश्‍शा मेको लोव़ नेंपतो। १कोरिन्‍थी ४:७; १कोरिन्‍थी १२:४; १पत्रुस ४:१०

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

१ कोरिन्‍थी 3:10

परमप्रभु यावेमी आं कली रिम्‍शो दारशो खिं सेल्‍ब सेल्‍ती। मिनु आ देंशो टिशा, खिं ङा जग दोशा, बोल्‍यो पा वोइक्‍ता। मेको जग तारी अरुमी प्रोव़ना प्रोव़न लाइक्‍नीम। मेको प्रोव़बपुकीमी दोपा रिम्‍शो दुम्‍बा, मेको मिम्‍शा गेय पामेक्‍ल।

गलाती 2:9

गो थमा पा एको शेंतीक गेय कली योव़शो नङ, दे रुप्‍शा, याकूब, केफास नु यूहन्‍ना सांफामी बारनाबास नु आं कली “गो इं यहूदी आन कली शेंनीकी। गे निक्‍शी चहिं अर्को रागी ङा मुर आन कली शेंथ लसे” देंशा, ग्‍युरा गुइमी ग्‍याइश्‍शा, लोव़सी गारपाइक्‍तेक्‍म। यूहन्‍ना १:४२

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

२ तिमोथी 1:6

मोपतीके गो इ कली आं गुइ इ तारी वोदुनु, परमप्रभु यावेमी इ कली मार मार गेवा, मेको लेंशा मी खोदेंशो पा ब्रपतो, दे फ्रुक्‍पाइक्‍नन। १तिमोथी ४:१४

२ तिमोथी 2:14

एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९

तीतस 3:1

मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३

हिब्रू 13:22

आं दाक्‍शो लोक्‍बपुकी, इन कली आं ब्रेक्‍शो थुं बारपाइक्‍तीक लोव़ शुश मब्रेक्‍तु। रिम्‍शो पा रु‍प्‍चा माल्‍नीनी।

१ पत्रुस 5:12

गो सिल्‍वानस थमा सुइक्‍ब लोक्‍ब बाक्‍ब, दे मिम्‍शा, आं ब्रेक्‍शो आइक्‍च चिठी मेको नु सोइक्‍ताक्‍ङ। गो इन कली परमप्रभु यावे आ थमा शिशी मार बाक्‍मे, मेको शेंताक्‍न्‍‍नी। मिनु गे मेको तुइश्‍शा, थमा सुइक्‍चा मप्रोंइथु बाक्‍कीन। प्रेरित १५:२२

२ पत्रुस 3:15

प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। रोमी २:४

१ यूहन्‍ना 5:13

मिनु गेपुकी परमप्रभु यावे आ तौ आ नें कली थमा सुइक्‍नीनी। मोपतीके गेना हना यो ब्रोंइशा बाक्‍चा ताइब बाक्‍नीनी, दे गो इन कली तुइक्‍पाइक्‍चा कली ब्रेक्‍ताक्‍ङ। यूहन्‍ना २०:३१