रोमी 15:13 - Sunuwar Bible

¹³ आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 15:13 ပူးပေါင်းရင်းမြစ်များ

यसैया 55:12

मिनु गेपुकी ग्‍येरसीशा लाइनीनी। रिम्‍शो पा लेत्‍नीनी। इन ङोंइती डांडा नु पहाड कुम्‍सो पाइनीम। मिनु ब्‍वाकी ङा रवा नेल्‍लेमी गुइ फ्रोक्‍नीम। यसैया ४४:२३

येरमीया 14:8

ए इस्राएल आ आस पतीके, श्‍येत जवानु मेको कली प्रोंइब, गे एको रागीम मारदे अर्को रागी ङा मुर खोदेंशो दुम्‍नीनी? गे मारदे नाक्‍दो का ला बाक्‍ब, लां गाक्‍ब मुर खोदेंशो दुम्‍नीनी?

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

यूहन्‍ना 14:1

मिनु येसुमी आ शेंसीब आन कली “इन थुं ग्‍येत्‍थ लुक्‍च मपने। परमप्रभु यावे कली थमा सुतीन। आं कली यो थमा सुइय्‍यीनी।

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

रोमी 12:12

आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७

रोमी 14:17

परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९

रोमी 15:19

परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२

रोमी 15:5

फाल्‍तीक सक्ति गेब नु थुं बारपाइक्‍ब परमप्रभु यावेमी इन कली थुं का दुम्‍शा, दुशा गारशा बाक्‍चा गेवल। दुशा गारशा बाक्‍तीनी हना, ख्रीस्‍त येसु आ गेय पाइब दुम्‍नीनी। फिलिप्‍पी २:२

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०

२ कोरिन्‍थी 9:8

परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

एफिसी 1:2

इं आफ परमप्रभु यावे नु इं प्रभु येसु ख्रीस्‍तमी इन कली शिशी पा थुं नाइश्‍शा बाक्‍चा गेम्‍सेक्‍ल।

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

हिब्रू 6:11

गे नेल्‍लेमी नेल्‍ल क्‍येङा नोले सम्‍म “परमप्रभु यावे आ देंशो नेल्‍ल जाक्‍दीप्‍ब” दे थमा सुइक्‍चा मप्रोंइतीक सक्ति तने, दे मिम्‍नीकी। हिब्रू ३:१४; फिलिप्‍पी १:६

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

१ सामुएल 1:18

मिनु हान्‍नाहमी “गो इन शिशी ताइब दुम्‍ङल” देंमाक्‍त। मिनु नोले मेको लशा, आ वोंइश नु जवा तूङा बाक्‍त। मिनु नोले लेंशा आ थुं मखाइक्‍माक्‍त।