रोमी 14:4 - Sunuwar Bible

⁴ मुर आन गेय पाइ‍ब कली निसाफ पाइब गे सु बाक्‍ने? आ होव़पमी ला मेको कली निसाफ पाइब। मेको ठीक दुम्‍ने चाप्‍ब, मारदे हना परमप्रभु यावेमी मेको कली ठीक सेल्‍ने चाप्‍ब। मत्ती ७:१; याकूब ४:११-१२

रोमी 14:4 ပူးပေါင်းရင်းမြစ်များ

भजन संग्रह 17:5

आं खोइली मग्रेक्‍चा ङा पा इन लांम थेक्‍शो बाक्‍ती।

भजन संग्रह 37:17

मारदे हना परमप्रभु यावे आ अरेशो मटीब आन गुइ जिक्‍चा पुंइसीनीम। परमप्रभु यावेमी ठीक पाइब आन कली रिम्‍शो पा बाक्‍चा गेब।

भजन संग्रह 37:24

मेको दाइल पांइसाक्‍म हना यो, मगोल्‍नीम। मारदे हना परमप्रभु यावेमी मेको आन गुइ ग्‍याइश्‍शा, तिक्‍ब। हितोपदेस २४:१६

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

यसैया 40:29

मेकोमी दाइब आन कली बोल गेब। मचाप्‍ब आन कली सक्ति गेब।

प्रेरित 11:17

गोपुकीमी प्रभु येसु ख्रीस्‍त कली थमा सुइक्‍तीके परमप्रभु यावे आ सोक्‍तीम पिंचा पुंइसाक्‍य। मिनु अर्को रागी ङा मुरपुकीमी यो येसु ख्रीस्‍त कली थमा सुइक्‍तीके आ सोक्‍तीम पिंचा पुंइसाक्‍म। मोदेंशो दुम्‍शो तशा, मार पाइनुङा? गो परमप्रभु आ पशो गेय तेक्‍ने चाप्‍नङा?” दे रुप्‍पाइक्‍मी बाक्‍त।

रोमी 11:23

मेको क्‍योरशा ताइश्‍शो राशी खोदेंशो दुम्‍शो यहूदीपुकीमी आन थुं परमप्रभु यावे गे लेश्‍शा, थमा सुइक्‍तेक्‍म हना, रिम्‍शो फल रवाम लेंशा केप्‍शो खोदेंशो पा आ मुर सेल्‍ने चाप्‍ब।

रोमी 14:3

मिनु श्‍ये ब्‍वाइबमी श्‍ये मब्‍वाइब आन कली आइक्‍च मसेलीन। मिनु श्‍ये मब्‍वाइबमी श्‍ये ब्‍वाइब आन कली यो दोस मगेन। मारदे हना जचा ब्‍वचामी मारेइ मपाइब। परमप्रभु यावेमी मुर आन कली कांइचीक पा दाक्‍शा, आ मुर सेल्‍तीमी। कलस्‍सी २:१६

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

रोमी 9:20

गे मुर दुम्‍शा परमप्रभु यावे कली दोस गेचा दुम्‍बा ङा? सेल्‍चा पुंइसीबमी सेल्‍ब कली “मारदे ओपा सेल्‍यी” देंबा ङा? यसैया ४५:९

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३