रोमी 13:4 - Sunuwar Bible

⁴ मुर आन कली रिम्‍शो पपाइक्‍चा कली परमप्रभु यावेमी सरकार वोइक्‍तु। गे मरिम्‍शो पाइतीनी हना, सरकार क्‍येङा हिनीन। मारदे हना सरकारमी सजाइ गेचा कली परमप्रभु यावे रे अधिकार तशो बाक्‍ब। मिनु मरिम्‍शो पाइब आन कली सजाइ गेब। २इतिहास १९:६-७

रोमी 13:4 ပူးပေါင်းရင်းမြစ်များ

१ राजा 10:9

मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

२ इतिहास 19:6

मिनु मेकोमी मेको निसाफ पाइब आन कली “गेपुकीम मार पाइनीनी, मेको मिम्‍तीन। गेपुकीम निसाफ नेंपाइक्‍नीनु, मुर आन कली ममाइ तन्‍न परमप्रभु यावे आ ङोंइती निसाफ पाइनीनी। गे निसाफ पची ना मेको गे नु बाक्‍ब। ब्‍यवस्‍था १:१७

हितोपदेस 16:14

पिप गाइक्‍ताक्‍व हना, मुर साइक्‍ने चाप्‍ब। रुप्‍ब मुरुमी आ गाइक्‍चा नाइक्‍पाइक्‍ने चाप्‍‍ब। हितोपदेस १९:१२; हितोपदेस २०:२

हितोपदेस 20:2

पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४

हितोपदेस 20:26

जोक्‍‍ब तुइक्‍ब पिपमी परमप्रभु यावे आ अरेशो मटीब आन कली तिल्‍ब। मिनु मेको आन कली साइक्‍ब।

हितोपदेस 20:8

निसाफ पाइब नित्‍तीकेम निश्‍शो पिपमी कोव़शा, रिम्‍शो नु मरिम्‍शो नेल्‍ल तिल्‍ब। भजन संग्रह १०१:३

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

इजीकीएल 22:27

मेकेर बाक्‍ब आन ठेयब मुर नेल्‍ल फर खोदेंशो बाक्‍नीम। मेकोपुकीम सिखार ग्‍यारनीम। मुर आन कली साइक्‍नीम नु क्‍येट तचा कली मुर आन कली खतम सेल्‍नीम।

इजीकीएल 25:14

गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।

मीका 3:9

याकूब आ खिं ङा ठेयब मुरपुकी नु इस्राएल ङा खिं खिं ङा हुकुम पाइबपुकी एको लोव़ नेनीन। गेपुकीमी ठीक निसाफ पतीक कली ग्रांग्रा दीनीनी। मिनु ठीक लोव़ नेल्‍ल दूली सेल्‍‍नीनी।

रोमी 12:19

आं दाक्‍शो लोक्‍बपुकी, इन कली श्‍येत गेब आन कली आंमा क्‍येक्‍क मलेत्‍तीन। परमप्रभु यावेमी गाइश्‍शा, मेको आन कली मारेइ पवल, दे सिक्‍सी पा बाक्‍कीन। मारदे हना “क्‍येक्‍क लेत्‍तीक गेय आं केन बाक्‍ब। मिनु गोन पाइनुङ, दे परमप्रभु यावेमी देंब” दे ब्रेक्‍शो बाक्‍ब। ब्‍यवस्‍था ३२:३५; लेवी १९:१८; मत्ती ५:३८-४४

रोमी 13:6

मोपतीके परमप्रभु यावेमी सरकार कली योव़शा, गेय पपाइक्‍तु, दे तुइश्‍शा, गेपुकीमी तिरो थाप्‍नीनी।

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

यहोसु 20:5

मिनु क्‍येक्‍क लेप्‍ब मुरुमी मेको मुर साइक्‍ब कली खेदा पाप्‍तु हना, मेको सहर ङा मुरुमी मेको मुर साइक्‍ब मुर कली जिम्‍मा गेचा मदुम्‍ब। मारदे हना मेकोमी मजोक्‍थु मतुइक्‍थु साइक्‍तु।

यहोसु 20:9

सुइ इस्राएली नु मेको आन दातेमी बाक्‍शो अर्को रागी ङा मुरुमी मतुइक्‍थु मुर साइक्‍तु हना, मेको मोदेंशो वोइश्‍शो सहरमी प्रोक्‍ने चाप्‍ब। निसाफ दुम्‍चा क्‍येङा ङोंइती क्‍येक्‍क लेप्‍ब मुर आन गुइ रे मेको मुर साइक्‍चा मपुंइसेक्‍ल” देंत।

१ पत्रुस 2:14

मिनु आ वोइश्‍शो ठेयब मुर आन कली यो टिचा माल्‍नीनी। मेकोपुकी मरिम्‍शो पाइब आन कली सजाइ गेचा नु रिम्‍शो पाइब आन कली “गे रिम्‍शो पाइतीनी” देंचा कली वोइश्‍शो बाक्‍नीम।