रोमी 12:9 - Sunuwar Bible

⁹ थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

रोमी 12:9 ပူးပေါင်းရင်းမြစ်များ

भजन संग्रह 101:3

गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८

भजन संग्रह 119:104

इन ब्रेक्‍शा अरेशो लोव़ रे रुप्‍ब दुम्‍ती। मोपतीके गो दूली पतीक नेल्‍ल काइ मदाक्‍नुङ। भजन संग्रह ११९:२९

भजन संग्रह 119:163

दूली पतीके नु जोल पतीक काइ मदाक्‍थु, ग्रांग्रा दीनुङ। तन्‍न इन अरेशो लोव़ दाक्‍नुङ।

भजन संग्रह 34:14

मरिम्‍शो पतीके रे लेश्‍शा, रिम्‍शो पने। थुं नाइश्‍शा बाक्‍तीके माल्‍शा बाक्‍कीन।

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

भजन संग्रह 55:21

मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७

भजन संग्रह 97:10

परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।

हितोपदेस 26:25

इ जोरी सत्रुमी गे नु ब्रोव़शो लोव़ पाप्‍तु हना यो, मेको कली थमा मसुतो। मारदे हना मेको आ थुंमी ७ ओटा ग्रांग्रा दि‍चा ङा लोव़ ख्रुइश्‍शा बाक्‍नीम।

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

आमोस 5:15

मरिम्‍शो पतीक कली काइ मदाक्‍तीन। रिम्‍शो पतीक कली दाक्‍तीन। ठेयब लाप्‍चोमी ठीक निसाफ पने। मिनु मुर नेल्‍ल आन परमप्रभु यावेमी योसेफ आ लीशो मुर आन कली शिशी पाइ‍बा कों?” दे परमप्रभु यावेमी देंत। भजन संग्रह ३४:१५; रोमी १२:९

मत्ती 26:49

मिनु यहूदामी जाक्‍शा, येसु कली “रब्‍बी” दे बे मुप्‍शा पुक्‍पु पाइक्‍तु।

यूहन्‍ना 12:6

यहूदामी प्रुङग आन कली शिशी पा मिम्‍शा ममाइ, तन्‍न क्‍येट कुरशा, क्‍येट खुइ पना पन बाक्‍बाक्‍माक्‍त। यूहन्‍ना १३:२९

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

२ कोरिन्‍थी 6:6

रिम्‍शो थुं कोंइनीकी, जोक्‍शो तुइश्‍शो गेय कोंइनीकी, मचबु देंब मदुम्‍नीकी, शिशी कोंइनीकी, परमप्रभु यावे आ सोक्‍तीम देंशो टीनीकी, मुर आन कली दाक्‍नीकी। १तिमोथी ४:१२; २कोरिन्‍थी ४:२; १कोरिन्‍थी २:४; एफिसी ६:१४-१७

२ कोरिन्‍थी 8:8

इन कली अधिकार तशो लोव़ मपाइनुङ। थमा पा दाक्‍चा दोपा तांइसीब देंशा हना, सुइमी गेन की गेन माइक्‍चा मपुंइसीथु, आंम थुंमी मिम्‍शा गेशो रे तांइसीब। शुशेमी मोपा गेम्‍तेक्‍म। मिनु गेपुकीमी यो दाक्‍तीक गेय कोंइदीने।

१ थिस्‍सलोनिकी 2:3

गोपुकीमी इन कली मुरुम पशो जोल रे मशेंदक। ठेयब दुम्‍कल, दे ममिम्‍तक। २कोरिन्‍थी ४:२; २कोरिन्‍थी ११:७; यूहन्‍ना ५:४४

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

हिब्रू 1:9

ठीक गेय पतीके दाक्‍नीनी। मरिम्‍शो पतीके मदाक्‍नीनी। मोपतीके परमप्रभु, इन परमप्रभु यावेमी इन पियामी तेल ख्रेक्‍शा ग्‍येरपाइक्‍तु। इन वारच आन क्‍येङा इन कली ठेयब सेल्‍तु” देंत। भजन संग्रह ४५:६-७

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०