रोमी 12:6 - Sunuwar Bible

⁶ गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्‍पाइश्‍शा नेंपाइक्‍ब योव़तु हना, थमा सुइश्‍शा मेको लोव़ नेंपतो। १कोरिन्‍थी ४:७; १कोरिन्‍थी १२:४; १पत्रुस ४:१०

रोमी 12:6 ပူးပေါင်းရင်းမြစ်များ

मत्ती 23:34

मोपतीके गो इन बाक्‍तीके परमप्रभु यावे आ लोव़ पाइब, जोक्‍ब तुइक्‍ब मुर नु परमप्रभु यावे आ लोव़ शेंब सोइक्‍नुङमी। का निक्‍शी आन कली साइक्‍नीनी, का निक्‍शी आन कली शीमी क्‍याइश्‍शा साइक्‍नीनी, का निक्‍शी आन कली ग्रुम्‍तीक खिंमी लाइश्‍शा, कोर्रामी युक्‍नीनी, मिनु तेइ बाक्‍चा मगेथु, खेदा पा खेरनीनी।

मत्ती 25:22

मिनु टलेन्‍ट निक्‍शी ताक्‍बमी जाक्‍शा ‘हजुर, टलेन्‍ट निक्‍शी गेतीनी। मिनु मार मार पशा, अर्को टलेन्‍ट निक्‍शी सेल्‍ता। मुल ४ दुम्‍त’ देंमेनु,

लूका 11:49

साइ नेसी परमप्रभु यावे आ तुइक्‍तीक पाइश्‍शोमी ‘गो आं लोव़ शेंब मुर सोइक्‍नुङमी। मेको आं सोइश्‍शो मुर का निक्‍शी आन कली खेदा पा श्‍येत गेनीम, का निक्‍शी आन कली साइक्‍नीम’ देंशो बाक्‍त।

प्रेरित 13:1

एन्‍टीओक सहर ङा थमा सुइक्‍ब आन दातेमी परमप्रभु यावे आ लोव़ पाइ‍ब नु शेंब का निक्‍शी यो बाक्‍मा बाक्‍त। मोदेंशो मुर सु सु बाक्‍मा बाक्‍त देंशा हना, बारनाबास, क्‍येर माइश्‍शो सिमियोन, साइरेनी ङा लुसीयस, पिप हेरोद आ गेय पाइब मानाएन नु सावल बाक्‍मा बाक्‍त। प्रेरित ११:२७; १कोरिन्‍थी १२:२८

प्रेरित 15:32

यहूदा नु सिलास परमप्रभु यावे आ लोव़ पाइब यो बाक्‍सा बाक्‍त। मिनु मेको निक्‍शीमी शुश लोव़ पा लोक्‍ब आन थुं बारपदसे बाक्‍त। प्रेरित ११:२७; प्रेरित १३:१

प्रेरित 2:17

‘परमप्रभु यावेमी रागी नुप्‍ची नाक्‍त मुर नेल्‍ल आन कली आं सोक्‍तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्‍पापुकीमी ङोमु ताइनीम।

प्रेरित 21:9

फिलीप के ४ जना ग्‍युंबे मपशो तमी बाक्‍तेक्‍म। मेकोपुकी परमप्रभु यावे आ लोव़ पाइब बाक्‍तेक्‍म।

रोमी 1:11

मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९

रोमी 12:3

परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी

१ कोरिन्‍थी 12:18

तन्‍न परमप्रभु यावेमी आ दाक्‍स पा नेंतीके, नाम्‍तीके, ततीके नु मारेइ मारेइ पतीके गारपाइश्‍शा वोइक्‍तु।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 14:1

दाक्‍तीक पाइश्‍शो मुर दुमीने। परमप्रभु यावे आ सोक्‍तीम पपाइश्‍शो गेय शुश मालीन। परमप्रभु यावे आ लोव़ पतीक शुश मालीन।

१ कोरिन्‍थी 14:24

तन्‍न गे नेल्‍ल परमप्रभु यावे आ लोव़ पना पन बाक्‍नीनु, थमा मसुइक्‍ब, अरु मुर ओव़शा, इन मोदेंशो नेंशा, आ थुंमी मिम्‍शा, आ मरिम्‍शो पशो नेल्‍ल फ्रुक्‍ब।

१ कोरिन्‍थी 14:29

परमप्रभु यावे आ लोव़ पामेनु, निक्‍शीमी कि सांमी पामेक्‍ल। मिनु नेंबपुकीमी “मेको लोव़ परमप्रभु यावे आ लोव़ नु गारबा देय मगारबा?” दे नाक्‍चा माल्‍नीमी। प्रेरित १७:११; १थिस्‍सलोनिकी ५:२१

१ कोरिन्‍थी 3:5

आपोल्‍लोस माइश्‍शो सु में? गो पावल माइश्‍शो सु नङा? प्रभुमी आंस कली आ लोव़ शेंथ योव़शो नस्‍कु। गेपुकीमी आंस लोव़ नेंशा थमा सुइक्‍तीनी।

१ कोरिन्‍थी 7:7

मुर नेल्‍ले आं खोदेंशो दुम्‍मल दे मिम्‍नुङ। मो हना यो परमप्रभु यावेमी आ दाक्‍शो पा का निक्‍शी आन कली ग्‍युंबे पशा बाक्‍चा, का निक्‍शी आन कली चहिं ग्‍युंबे मपथु बाक्‍चा गेशो बाक्‍त। मत्ती १९:१२

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

एफिसी 3:5

मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६

एफिसी 4:11

मिनु येसु ख्रीस्‍तम मुर आन कली गेशो गेय मार बाक्‍ब देंशा हना, का निक्‍शी आ सोइश्‍शो दुम्‍नीम, का निक्‍शी परमप्रभु यावे आ लोव़ पाइब दुम्‍नीम, का निक्‍शी ग्‍येरपाइक्‍ब लोव़ नेंपाइक्‍ब दुम्‍नीम, का निक्‍शी थमा सुइक्‍ब आन कली कोव़ब नु शेंब दुम्‍नीम। १कोरिन्‍थी १२:२८; प्रेरित २१:८

फिलिप्‍पी 3:15

इं दातेमी सु सु रुम्‍ने चाप्‍ब बाक्‍नी, मेकोमी आं खोदेंशो पा मिम्‍तीन। गेपुकीमी आं खोदेंशो पा ममिम्‍ताक्‍नी हना, परमप्रभु यावेमी इन कली तुइक्‍पदल।

१ थिस्‍सलोनिकी 5:20

परमप्रभु यावेमी तुइक्‍पाइश्‍शो लोव़ पचा गेन।

२ पत्रुस 1:20

गेपुकी ङोंइती मार रुप्‍चा माल्‍नीनी देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ मुर आन मिम्‍शो लोव़ ममाइ,