रोमी 12:19 - Sunuwar Bible

¹⁹ आं दाक्‍शो लोक्‍बपुकी, इन कली श्‍येत गेब आन कली आंमा क्‍येक्‍क मलेत्‍तीन। परमप्रभु यावेमी गाइश्‍शा, मेको आन कली मारेइ पवल, दे सिक्‍सी पा बाक्‍कीन। मारदे हना “क्‍येक्‍क लेत्‍तीक गेय आं केन बाक्‍ब। मिनु गोन पाइनुङ, दे परमप्रभु यावेमी देंब” दे ब्रेक्‍शो बाक्‍ब। ब्‍यवस्‍था ३२:३५; लेवी १९:१८; मत्ती ५:३८-४४

रोमी 12:19 ပူးပေါင်းရင်းမြစ်များ

हितोपदेस 20:22

गे मरिम्‍शो पाइब कली क्‍येक्‍क लेत्‍नुङ मदेनो। परमप्रभु यावेमी पाइब, दे रिम्‍दो। मिनु इ कली वारच पाइब। हितोपदेस २४:२९; रोमी १२:१७

हितोपदेस 24:29

गे “मेकोम आं कली मार पवा, मेको कली यो मोदेंशोन पाइनुङ। गो मेको कली क्‍येक्‍क लेत्‍नुङ” मदेनो। हितोपदेस २०:२२

येरमीया 51:36

मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

इजीकीएल 25:12

परमप्रभु, परमप्रभु यावेमी “एदोम रागीम यहूदा आ खिं ङा मुर आन कली क्‍येक्‍क लेत्‍ताक्‍व। मोपतीके मेको थाम्‍पा दोस ताइब दुम्‍त। इजीकीएल ३५:-; येरमीया ४९:७-२२; आमोस १:११-१२; ओबदिया १:-; भजन संग्रह १३७:७

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

मत्ती 5:39

गो मार देंनुङ देंशा हना, सुइमी इन कली मरिम्‍शो पाम्‍तेक्‍म हना यो, मेको आन कली आन क्‍येक्‍क मलेत्‍तीने। इन ग्‍युरा चोव़चो राप्‍तेक्‍म हना, पेरा यो राप्‍चा गेने। बिलाप ३:३०; यूहन्‍ना १८:२२-२३; रोमी १२:१९,२१; १पत्रुस २:२०-२३

रोमी 12:14

सराप चीले मपने। इन कली सराप चीले पाइब आन कली आसीक गेने। मत्ती ५:४४; प्रेरित ७:५९; १कोरिन्‍थी ४:१२

रोमी 12:17

इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१

रोमी 13:4

मुर आन कली रिम्‍शो पपाइक्‍चा कली परमप्रभु यावेमी सरकार वोइक्‍तु। गे मरिम्‍शो पाइतीनी हना, सरकार क्‍येङा हिनीन। मारदे हना सरकारमी सजाइ गेचा कली परमप्रभु यावे रे अधिकार तशो बाक्‍ब। मिनु मरिम्‍शो पाइब आन कली सजाइ गेब। २इतिहास १९:६-७

एफिसी 4:27

मोपा सैतान कली गेय पचा मगेने।

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

ब्‍यवस्‍था 32:43

गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

हिब्रू 10:30

मोदेंशो पाइब आन कली सजाइ गेब कली तुइश्‍शो बाक्‍नय। आं चहिं लोव़ कामी “क्‍येक्‍क लेत्‍तीक गेय आं के बाक्‍ब। मिनु गो पाइनुङ” देंब। मिनु लेंशा “परमप्रभुमी आ मुर आन कली निसाफ पाइब” देंब। ब्‍यवस्‍था ३२:३५-३६

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।

१ सामुएल 25:33

इन मिम्‍तीक रिम्‍शो बाक्‍ब। गे मुलाक्‍ती आं कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍तीके आसीक राइनीनी।

१ सामुएल 26:10

मिनु दाऊदमी लेंशा “परमप्रभु यावे ब्रोंइशा बाक्‍शो खोदेंशो पा, मेकोमीन मेको कली काबु साइक्‍ब कि आ बेक्‍ची नाक्‍त जाक्‍शा बेक्‍ब कि लडाइम लशा साइक्‍चा पुंइसीब। १सामुएल २४:१३

१ सामुएल 26:11

गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।