रोमी 12:1 - Sunuwar Bible

¹ आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 12:1 ပူးပေါင်းရင်းမြစ်များ

भजन संग्रह 116:12

परमप्रभु यावेमी आं कली गिश रिम्‍शो पाइय्‍यी, गो मेको आ पा ङा मेको कली मार गेनुङा?

भजन संग्रह 19:14

परमप्रभु यावे, आं सेरथे फुल्‍लु नु आं कली श्‍येत रे प्रोंइब, आं पशो लोव़ नु आं मिम्‍शो ब्रने।

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

येरमीया 6:20

गो शेबा रे चाक्‍शो धूप ममाल्‍नुङ। ङोन रागी रे चाक्‍शो बिक्‍च यो ममाल्‍नुङ। गो इन चोशा चढ़ेशो मब्राइ‍नुङ। गो इन क्‍योरशा चढ़ेशोम मग्‍येरनुङ” देंत। भजन संग्रह ४०:७; यसैया १:११-१५

होसे 14:2

परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्‍ल क्‍याम्‍दीने! आंइ कली शिशी पा ब्रने। गो इन नें ठेयब सेल्‍नीकी। हिब्रू १३:१५

गन्‍ती 7:21

चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।

लूका 7:47

मोपतीके एको के शुश पाप नेल्‍ल क्‍याम्‍साक्‍व। मारदे हना एकोमी शुश आ दाक्‍तीके कोंइताक्‍व। सु के पाप इच्‍का ला क्‍याम्‍से, मेकोमी इच्‍का ला दाक्‍ब” दे मदा बाक्‍त।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

रोमी 15:30

आं लोक्‍बपुकी, इं प्रभु येसु ख्रीस्‍तमी इं कली थुं का सेल्‍तु। परमप्रभु यावे आ सोक्‍तीमी दाक्‍मुपाइक्‍तु। मिनु थमा पा वोबु दुम्‍तय। मोपतीके आं पर्बम परमप्रभु यावे कली पुंइना पुंइन बाक्‍कीन। २कोरिन्‍थी १:११; २थिस्‍सलोनिकी ३:१

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 6:16

तेको होव़प आ वाइली दुम्‍या, मेको होव़प कली टिचा माल्‍नय, दे मतुइक्‍नीनी? “पाप पना पन बाक्‍य” देंतीनी हना, पाप आ वाइली दुम्‍शा, बेक्‍नीनी। “परमप्रभु यावे आ देंशो टिय” देंतीनी हना, परमप्रभु यावे आ वाइली दुम्‍शा, ठीक पाइब दुम्‍नीनी। यूहन्‍ना ८:३४

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

रोमी 9:23

मेकोमी आ ठेयब गेय कोंइचा कली का निक्‍शी आन कली शिशी पशा, गेना हना यो काथा बाक्‍शा, आ छेङछेङ कोंइ‍चा कली योव़तीमी। एफिसी १:३-१२

१ कोरिन्‍थी 1:10

आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 4:1

गोपुकी नु परमप्रभु यावे आ शिशी बाक्‍तीके मेको शेंब दुम्‍तक। मोपतीके गेनायो आइक्‍च थुं पाइश्‍शो मदुम्‍नीकी। २कोरिन्‍थी ३:६; १कोरिन्‍थी ७:२५

२ कोरिन्‍थी 4:16

ठेयब थुं पा शेंना शेंन गाक्‍नीकी। आंइ रां बेक्‍चशो तांइसाक्‍व हना यो, आंइ थुं चहिं बारना बारन लशो बाक्‍ब। एफिसी ३:१६

२ कोरिन्‍थी 5:20

मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 5:10

मिनु गेपुकीमी प्रभु आ दाक्‍शो मार बाक्‍बा, मेको तुइक्‍चा माल्‍नीनी। रोमी १२:२; फिलिप्‍पी १:१०

ब्‍यवस्‍था 14:2

मारदे हना गेपुकी परमप्रभु यावे, इन परमप्रभु आ आंम मुर बाक्‍नीनी। मिनु परमप्रभु यावेमी जात जात ङा मुर नेल्‍ल आन दाते रे इन कली आ मुर सेल्‍चा कली योव़तु।

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।

१ थिस्‍सलोनिकी 5:12

आंइ लोक्‍बपुकी, इन कली शेंब नु लां कोंइशा, अरेब आन कली रिम्‍शो पने, दे माइक्‍नीकी। १कोरिन्‍थी १६:१८

१ तिमोथी 2:3

मोदेंशो मरिम्‍शो गेय प्रोंइब परमप्रभु यावे आ ङोंइती रिम्‍शो नु दाक्‍चा ङा बाक्‍ब।

१ तिमोथी 5:4

आन वोंइश बेक्‍शो मीश मुर आ तमी तौ, चच युइ बाक्‍तेक्‍म हना, मेकोपुकीम आंम खिं ङा मुर आन कली रिम्‍शो गेय पा कोंइचा माल्‍नीम। आम आफ आस कली रिम्‍शो पचा माल्‍नीम। मेको परमप्रभु यावे आ ङोंइती शुश रिम्‍शो बाक्‍ब।

फिलेमोन 1:10

जेल्‍खानम बाक्‍ङानु, ओनेसीमस कली ग्रुम्‍ता। मेकोमी थमा सुदा रे आं दाक्‍शो तौ दुम्‍त। गो थमा पोबु दुम्‍तस्‍कु। कलस्‍सी ४:९; १कोरिन्‍थी ४:१५; गलाती ४:१९

फिलेमोन 1:9

तन्‍न गे मुर आन कली दाक्‍शा शिशी पाइनेवे, आं देंशो यो टीनेवे, दे तुइश्‍शा, अधिकार कोंइचा ममाल्‍दी। गो ख्रीस्‍त येसु आ पर्बम जेल्‍खानम चोक्‍चा पुंइसीशो खाल्‍पा पावलमी इ कली इम्‍चीली लोव़ का माइक्‍नन।

हिब्रू 13:22

आं दाक्‍शो लोक्‍बपुकी, इन कली आं ब्रेक्‍शो थुं बारपाइक्‍तीक लोव़ शुश मब्रेक्‍तु। रिम्‍शो पा रु‍प्‍चा माल्‍नीनी।

१ पत्रुस 2:20

गे मरिम्‍शो पशा, तुप्‍चा पुंइसीनीनु, मेको फाल्‍शा बाक्‍तीनी हना, मार रिम्‍शो पनी ङा? रिम्‍शो पशा यो, श्‍येत गेचा पुंइसीशा, फाल्‍शा बाक्‍तीनी हना, परमप्रभु यावे आ दाक्‍शो पाइनीनी। १पत्रुस ३:१४; मत्ती ५:१०

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१