रोमी 11:33 - Sunuwar Bible

³³ परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९

रोमी 11:33 ပူးပေါင်းရင်းမြစ်များ

एस्‍तर 2:22

मिनु मेको आस लोव़ मोरदेकैमी नेंशा तुइश्‍शा, एस्‍तर कली शेंदा बाक्‍त। मिनु एस्‍तरमी मोरदेकै आ नेंमी पिप कली लोव़ नेल्‍ल शोव़तु।

अय्‍युब 10:13

आं कली श्‍येत गेचा कली ङोंइती रे इन थुंम ख्रुइश्‍शा वोइक्‍तीनी। मेको इन थुंम बाक्‍त, दे तुइक्‍ताक्‍ङ।

अय्‍युब 15:8

गे परमप्रभु आ अर्ती गे‍तीकेमी बाक्‍शा नेंनी? तुइक्‍तीक इन के ला बाक्‍ब, दे मिम्‍नीनी? अय्‍युब ११:७; रोमी ११:३३

अय्‍युब 23:14

मेकोमी आं कली मार पचा मिम्‍बा, मेको नेल्‍ल पाइब। मिनु मोदेंशो शुश मिम्‍‍ब।

अय्‍युब 26:14

मेको आ सक्ति ङा आइक्‍च गेय ला बाक्‍नीम। मेको रे गो आइक्‍च सेंदा ङा लोव़ ला नेंतक। मिनु मेको आ सक्तिम पशो बुंबु, सुम रुप्‍ने चाप्‍बा ङा?” देंमाक्‍त।

अय्‍युब 33:13

गे मारदे परमप्रभु नु इन थुं मनुशो लोव़ पाइनीनी। मिनु गे ‘मेकोम आं लोव़ काइ मलेप्‍ब’ देंनीनी?

अय्‍युब 37:19

मेको कली मार देंचा माल्‍बा, गे मेको आंइ कली शेंदीन। मारदे हना गो छिङछिङम पतीके मारेइ मिम्‍ने मचाप्‍नीकी।

अय्‍युब 37:23

तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।

अय्‍युब 5:9

मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। अय्‍युब ९:१०

अय्‍युब 9:10

मेकोम ठेयब नु मरुप्‍चा ङा गेय पाइब। मिनु हिक्‍ने मचाप्‍चा ङा छक लाक्‍चा ङा गेय पाइब। अय्‍युब ५:९

भजन संग्रह 139:6

मेको तुइक्‍तीके आं कली थम ठेयब बाक्‍ब। मिनु गो मेको रुप्‍ने मचाप्‍नुङ।

भजन संग्रह 145:3

परमप्रभु यावे ठेयब बाक्‍ब। मेको ठेयब सेल्‍चा शिरशो बाक्‍ब। मिनु मेको आ ठेयब दुम्‍तीके सुइमी रुप्‍ने मचाप्‍नीम।

भजन संग्रह 36:6

इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।

भजन संग्रह 40:5

मिनु गो “परमप्रभु यावे, आं परमप्रभु, गे आंइ पर्बम पशो छक लाक्‍चा ङा गेय नु इन मिम्‍शो कोंइताक्‍की। मेको शुश बाक्‍नीम। इन खोदेंशो सुइ मबाक्‍नीम। गो मेको आन कली शेंशें दाक्‍ती, देंती हना यो, नेल्‍ल शेंने मचबु। मारदे हना मेको शुश बाक्‍नीम। भजन संग्रह १३९:१७-१८

भजन संग्रह 77:19

इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। प्रस्‍थान १४:२१-३१

भजन संग्रह 92:5

परमप्रभु यावे, इन गेय थम ठेयब बाक्‍नीम। इन मिम्‍तीके यो थम ठेयब बाक्‍ब। भजन संग्रह १०४:२४; यसैया ५५:९

भजन संग्रह 97:2

मेको आ एर ओंथ गोस्‍स नु ठेयब छिङछिङ बाक्‍ब। ठीक पतीके नु ठीक निसाफ मेको आ सासन पतीक जग बाक्‍ब।

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

हितोपदेस 25:3

सरीङ गिश ग्‍येत्‍थ बाक्‍बा, रागी गिश लुक्‍च लाइबा नु पिप आ थुंमी मार मिम्‍बा, मेको सुइमी यो तुइक्‍ने मचाप्‍नीम।

उपदेसक 3:11

मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

उपदेसक 7:24

शुश ङोन बाक्‍ब नु शुश लुक्‍च लशो थोव़क सुम तुइक्‍ने चाप्‍बा ङा?

उपदेसक 8:17

मिनु परमप्रभुमी पशो गेय नेल्‍ल ताता। रागीम मार दुम्‍बा, मेको सुइमी तुइक्‍ने मचाप्‍‍नी‍म। मुरपुकीमी मेको तुइक्‍चा कली शुश श्‍येत पाम्‍तेक्‍म हना यो, मेको नेल्‍ल रुप्‍ने मचाप्‍नीम। तेकोइ जोक्‍ब तुइक्‍ब मुरुमी “गो मेको तुइक्‍नुङ” देंत हना यो, मेकोम थमा पा मतुइ‍श्‍शो बाक्‍ब। उपदेसक ३:११; यसैया ५५:८-९

यसैया 28:29

मेको मोदेंशो नेल्‍ल मुर नेल्‍ल आन परमप्रभु यावेमी शेंशो बाक्‍ब। मेको अर्ती गेतीकेम छक लाक्‍चा ङा नु तुइक्‍तीकेम नेल्‍ल क्‍येङा ठेयब बाक्‍ब।

यसैया 40:28

मिनु “मार, गे मतुइक्‍तीनी, मनेंनी? परमप्रभु यावे गेना हना यो बाक्‍ब परमप्रभु बाक्‍ब। मेको रागी रागी कली सेल्‍ब बाक्‍ब। मेको मथाइब नु मदाइब। आ तुइक्‍तीके नेल्‍ल क्‍येङा ठेयब बाक्‍ब।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

रोमी 9:23

मेकोमी आ ठेयब गेय कोंइचा कली का निक्‍शी आन कली शिशी पशा, गेना हना यो काथा बाक्‍शा, आ छेङछेङ कोंइ‍चा कली योव़तीमी। एफिसी १:३-१२

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

एफिसी 2:7

मुरुमी मिम्‍ने मचाप्‍चा ङा ठेयब शिशी आंम आ दाक्‍तीकेमी ख्रीस्‍त येसु रे नोले ङा मुर आन कली कोंइचा कली पाप्‍तु। एफिसी १:७

एफिसी 3:10

मारदे आं कली मोदेंशो सेल्‍ती देंशा हना, येसु ख्रीस्‍त कली थमा सुइक्‍बपुकीमी परमप्रभु यावे आ मिम्‍शो मार बाक्‍बा, मेको स्‍वर्गम बाक्‍ब हुकुम नु अधिकार पाइब आन कली तुइक्‍पदमेक्‍ल, दे आं कली कोंइब सेल्‍ती। १पत्रुस १:१२

एफिसी 3:16

मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्‍ब आन थुं बोल्‍यो से‍लीन। मिनु इन सोक्‍त आन थुंमी बाक्‍मेनु, महिंब दुम्‍नीम। एफिसी १:७; एफिसी ६:१०; २कोरिन्थी ४:१६‍

एफिसी 3:18

मो दुम्‍मेनु, मेकोपुकी नु नेल्‍ल थमा सुइक्‍बपुकीमी येसु ख्रीस्‍त आ मुर आन कली दाक्‍तीके गिश ब्रेम्‍शो, गिश दुइश्‍शो, गिश लाइश्‍शो नु गिश लुक्‍च लशो बाक्‍मे, मेको नेल्‍ल रुप्‍तीक थुं गेने।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

कलस्‍सी 1:27

परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१