रोमी 11:3 - Sunuwar Bible

³ एलीयामी परमप्रभु यावे कली “परमप्रभु यावे, इन लोव़ पाइब आन कली साइक्‍तेक्‍म। इन कली चढ़ेतीक नेल्‍ल प्रेश्‍शा गेम्‍तेक्‍म। इन नोले खोइक्‍ब गो का ला लीती। आं कली यो साइक्‍चा कली माल्‍शा गाक्‍नीम” दे ब्रेक्‍शो बाक्‍त। १राजा १९:१०

रोमी 11:3 ပူးပေါင်းရင်းမြစ်များ

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५