रोमी 10:9 - Sunuwar Bible

⁹ मिनु गेपुकीमी “येसु प्रभु बाक्‍ब” देंशा इन थुंमी “परमप्रभु यावेमी मेको कली बेक्‍शो रे सेंताक्‍व” दे थमा सुइक्‍तीनी हना, गे ब्रोंइचा ताइनीनी। मत्ती १०:३२; २कोरिन्‍थी ४:५

रोमी 10:9 ပူးပေါင်းရင်းမြစ်များ

लूका 12:8

सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्‍वर्ग ङा गेय पाइब आन ङोंइती ‘मेको आं मुर बाक्‍ब’ देंब।

यूहन्‍ना 9:22

आ आम आफोमी यहूदी आन क्‍येङा हिंशा मो देंताक्‍स। मारदे हिंसा देंशा हना, यहूदीपुकीमी “सुम सापाइक्‍ब कली ख्रीस्‍त दे थमा सुइक्‍बा, मेको कली यहूदी आन ग्रुम्‍तीक खिं रे तिल्‍चा” दे सल्‍ला पशो बाक्‍तेक्‍म। यूहन्‍ना ७:१३; यूहन्‍ना १२:४२

प्रेरित 16:31

मिनु पावल नु सिलासमी “प्रभु येसु कली थमा सुतो। मिनु गे नु इ खिं ङा मुर नेल्‍लेमी पाप क्‍याम्‍चा पुंइसीशा गेना हना यो ब्रोंइशा बाक्‍चा ताइनीनी” देंसा बाक्‍त।

प्रेरित 2:24

गेपुकीमी साइक्‍पाइक्‍तीनी हना यो, परमप्रभुमी येसु कली बेक्‍शो रे सेंताक्‍व। मारदे हना आ गेना हना यो ब्रोंइशा बाक्‍ब परमप्रभु बाक्‍ब।

प्रेरित 2:32

परमप्रभु यावेमी येसु कली बेक्‍शो रे सेंताक्‍व। मेको गो आंइ मिक्‍चीमी ताइतक।

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

रोमी 10:10

मुरुमी मेको थमा सुइश्‍शा, ठीक दुम्‍नीम। मिनु सु सुमी “येसु आं प्रभु बाक्‍ब” दे मुर आन ङोंइती देंबा, मेको ब्रोंइचा ताइनीम, दे तुइक्‍नय।

रोमी 14:11

मारदे हना “प्रभुमी गो ब्रोंइशा बाक्‍शो खोदेंशो पा, मुर नेल्‍लेमी आं ङोंइती आन पोक्‍च थेक्‍नीम। मिनु नेल्‍लेमी परमप्रभु यावे कली ठेयब सेल्‍नीम” दे ब्रेक्‍शो बाक्‍ब। यसैया ४५:२३; फिलिप्‍पी २:१०-११

रोमी 14:9

मारदे हना ख्रीस्‍त बेक्‍शा, बेक्‍शो रे सेंसीशा, नेल्‍ल आन कली कोव़ब दुम्‍त। बेक्‍शो, ब्रोंइशो मुर नेल्‍ल आन प्रभु बाक्‍ब।

रोमी 4:24

गो नेल्‍ल इं कली यो ब्रेक्‍शो बाक्‍ब। मारदे हना सु सुमी इं प्रभु येसु कली बेक्‍शो रे सेंपाइक्‍ब परमप्रभु यावे कली थमा सुइक्‍नीमी, मेको आन कली ठीक दुम्‍पाइक्‍ब।

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

१ कोरिन्‍थी 12:3

मिनु परमप्रभु यावे आ सोक्‍तीम पपाइश्‍शो लोव़ पा “येसु सराप रल” देंने मचाम्‍सीब। परमप्रभु यावे आ सोक्‍तीम पतीके ला “येसु इं प्रभु बाक्‍ब” देंने चाम्‍सीब, दे रुप्‍पाइक्‍नन्‍नी।‍ मर्कूस ९:३९; १यूहन्‍ना ४:२-३

फिलिप्‍पी 2:11

मिनु नेल्‍लेमी “येसु ख्रीस्‍त प्रभु बाक्‍ब” दे परमप्रभु यावे, इन आफ कली ठेयब सेल्‍चा माल्‍नीम। प्रकाश ५:१३

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३