रोमी 10:20 - Sunuwar Bible

²⁰ मिनु यसैयामी एको लोव़ तेम्‍शा “परमप्रभु यावेमी ‘आं कली ममाल्‍ब मुरपुकीमी आं कली थित्‍तीमी। आं कली ममिम्‍ब आन कली आं पर्बम तुइक्‍पाइक्‍तामी’ दे ब्रेक्‍शो बाक्‍त” देंत। यसैया ६५:१

रोमी 10:20 ပူးပေါင်းရင်းမြစ်များ

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

मत्ती 20:16

मोदेंशो पान, नोले दुम्‍बपुकी ङोंइती दुम्‍नीम, ङोंइती दुम्‍बपुकी नोले दुम्‍नीम” दे शेंताक्‍मी।

लूका 14:23

मिनु होव़पमी ‘नित्‍तीके मब्रीम सम्‍म मुर आन कली “जाक्‍कीन है, जाक्‍कीन” दे ब्रेश्‍शा चाक्‍मी। मिनु आं खिं ब्रील।

रोमी 10:3

परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७

रोमी 9:30

मिनु मुल गो मार देंचा ङा? अर्को रागी ङा मुरपुकीमी ठीक दुम्‍चा ममाल्‍थु, ठीक दुम्‍तेक्‍म। तन्‍न आन ठीक दुम्‍तीके मेको आन परमप्रभु यावे कली थमा सुइक्‍तीक रे जाक्‍त। रोमी १०:२०

रोमी 9:31

तन्‍न इस्राएलीपुकीमी चहिं ठीक दुम्‍चा कली परमप्रभु यावे आ अरेशो लोव़ टिचा माल्‍तेक्‍म हना यो, ठीक दुम्‍ने मचबेम। रोमी १०:२-३

१ यूहन्‍ना 4:19

गोपुकी चहिं परमप्रभु यावे कली मारदे दाक्‍नय देंशा हना, मेकोमी ङोंइती इं कली शुश दाक्‍ताक्‍व।