रोमी 10:16 - Sunuwar Bible

¹⁶ मेको आन लोव़ नेंशा कोइमी थमा मसुदेम। मेको आन पर्बम यसैयामी “हे प्रभु, आंइ शेंशो लोव़ सुम थमा सुदा ङा?” दे ब्रेक्‍शो बाक्‍त। यसैया ५३:१; यूहन्‍ना १७:२०

रोमी 10:16 ပူးပေါင်းရင်းမြစ်များ

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

मत्ती 13:14

साइ नेसी यसैयामी देंशो नोले दुम्‍ब लोव़ मुल थमा दुम्‍त। मार ब्रेक्‍शो बाक्‍त देंशा हना ‘नेंचा दा नेंनीनी, तन्‍न दोपा यो मरुप्‍नीनी। कोव़चा दा कोव़नीनी, तन्‍न दोपा यो मताइनीनी।

यूहन्‍ना 10:26

गेपुकीमी चहिं आं कली थमा मसुइक्‍नीनी। मारदे हना गे आं गोठ ङा भेडा मननी। यूहन्‍ना ८:४५-४७

प्रेरित 28:24

आ लोव़ नेंबपुकी का निक्‍शीमी आ देंशो थमा बाक्‍त, दे थमा सुइक्‍तेक्‍म। का निक्‍शीमी चहिं थमा मसुदेम।

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 11:17

रिम्‍शो तेल रवा खोदेंशो इस्राएल रे राशी का निक्‍शी क्‍योरशा ग्रुंइशो बाक्‍तेक्‍म हना, गे रागी रागी ङा मुर ब्‍वाकी ङा तेल रवा खोदेंशो पा, मेको रवामी इन राशी क्‍येप्‍चा पुंइसाक्‍नी हना, गे मेको रवा आ शाक्‍श रे ताइनीनी। मेको मप्रेंदीन। एफिसी २:११-१४

रोमी 16:26

परमप्रभु यावे आ लोव़ पाइबपुकीम मेको ख्रुइश्‍शो लोव़ ब्रेक्‍शो बाक्‍तेक्‍म। मेको गेना हना यो बाक्‍ब परमप्रभु यावे आ दाक्शो बाक्‍ब। मेको लोव़ रागी रागी ङा मुर आन कली तुइक्‍पाइश्‍शा थमा सुइक्‍ब सेल्‍चा कली बाक्‍त।

रोमी 2:8

तन्‍न आंम कली ला मिम्‍बपुकी, थमा लोव़ मटीबपुकी, जोल लोव़ थमा सुइक्‍बपुकी परमप्रभु यावे आ गाइश्‍शो चुरशो ताइनीम। २थिस्‍सलोनिकी १:८

रोमी 3:3

का निक्‍शीमी परमप्रभु यावे आ अरेशो लोव़ मटीमे। मो पाम्‍तेक्‍म हना यो, परमप्रभु यावे आ लोव़ जोल मदुम्‍ब। रोमी ९:६; रोमी ११:२९; २तिमोथी २:१३

रोमी 6:17

इन पर्बम परमप्रभु यावे कली “मेको आन कली रिम्‍शो पाइतीनी” दे ठेयब सेल्‍नुङ। मारदे हना ङोंइती गेपुकी पाप आ वाइल बाक्‍तीनी। मुल चहिं इन थुं रे पा परमप्रभु यावे आ शेंशो दाक्‍शा टीतीनी।

गलाती 3:1

ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?

गलाती 5:7

ङोंइती गे रिम्‍शो पाइतीनी। तन्‍न सुम इन कली थमा लोव़ मनेंथु, दूली शेंब आन लोव़ नेंचा, दे इन थुं हिरदा?

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 11:8

अब्राहाममी यो परमप्रभु यावे आ लोव़ थमा सुइक्‍बाक्‍माक्‍त। यावेमी “इ कली नोले गेनुङ देंशो रागी कोंइनन। मोपतीके एकेर रे लावो” देंमेनु, अब्राहाममी परमप्रभु यावे आ देंशो टिशा, ते लचा मतुइक्‍थु, यो मलेत्‍चा ङा पा मेको रागी प्रोंइशा गाक्‍माक्‍त। उत्‍पत्ती १२:- २१:-

हिब्रू 4:2

थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्‍शो बाक्‍त। तन्‍न इं किकी पिपी आन कली नेंपाइश्‍शो लोव़ शोर गाक्‍शो दुम्‍त। मारदे हना नेंबपुकीमी थमा मसुइक्‍थु मटिशो बाक्‍तेक्‍म।

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४

१ पत्रुस 3:1

गे मीश मुरपुकी, आंम वोंइश आ देंशो टिने। का निक्‍शी वोंइश मुरपुकी परमप्रभु यावे आ लोव़ मटीब बाक्‍तेक्‍म हना यो, आ मीश आ रिम्‍शो पशो तशा, लोव़ मपथु यो, थमा सुइक्‍ब दुम्‍नीम। एफिसी ५:२२; १कोरिन्‍थी ७:१६