रोमी 10:14 - Sunuwar Bible

¹⁴ मेको कली थमा मसुइक्‍बपुकीमी “प्रोंइयीनी” दे पुंइने चाप्‍नीमी ङा? आ पर्बम मनेंशो कली थमा सुइक्‍ने चाप्‍नीमी ङा? सुइ शेंब मबाक्‍त हना, मेको लोव़ नेंने चाप्‍नीमी ङा?

रोमी 10:14 ပူးပေါင်းရင်းမြစ်များ

योना 1:16

मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।

योना 1:5

मिनु डोंगाम गेय पाइबपुकी हिंशा, आन देवी देवता आन नें थि‍शा, ब्रेम्‍मा बाक्‍त। मिनु डोंगा सोपी पचा कली मेको आन बाक्‍शो मारेइ मारेइ समुन्‍द्रमी ताइक्‍तमे बाक्‍त। योना चहिं डोंगा आ आइदी तला लशा, इप्‍शो बाक्‍माक्‍त।

मत्ती 20:7

मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 9:36

मेकोमी “प्रभु, मेको सु बाक्‍मे, गो मेको कली थमा सुइक्‍नुङ” देंत।

प्रेरित 19:2

मिनु पावलमी मेको आन कली “गेपुकीमी थमा सुइक्‍ब दुम्‍नीनु, परमप्रभु यावे आ सोक्‍तीम प्रिंचा पुंइसीनी?” दे हिल्‍लो पवानु “ममाइ, गो परमप्रभु यावे आ सोक्‍त मतुइक्‍नीकी। मेको आ पर्बम मनेंशो यो बाक्‍नीक” देंमा बाक्‍त। प्रेरित २:३८

प्रेरित 8:31

मिनु ठेयब मुरुमी “सुइमी मशेंथु, दोपा रुप्‍ने चाप्‍नुङा ङा?” देंशा, फिलीप कली बग्‍गीम ङोइक्‍पाइश्‍शा निप्‍पाइश्‍शा, किताब कोंइदा बाक्‍त।

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

एफिसी 2:17

मिनु येसु ख्रीस्‍त रागीमी जाक्‍शा, ङोन बाक्‍ब इन कली नु परमप्रभु यावे आ नेक्‍था बाक्‍ब आन कली परमप्रभु यावे नु दोपा दुशा बाक्‍चा, मेको शेंताक्‍व। यसैया ५७:१९

एफिसी 4:21

थमा पा येसु ख्रीस्‍त आ पर्बम लोव़ नेंतीनी। मिनु येसु आ थमा लोव़ तुइश्‍शो बाक्‍तीनी।

ब्‍यवस्‍था 30:13

मिनु मेको समुन्‍द्र आ आइक्‍ची हांबु यो मबाक्‍ब। गेपुकीमी “सुम आंइ कली समुन्‍द्र आइक्‍ची हांबु मेको ब्रथ लाइबा? मिनु मेको नेंशा, पाइनीकी” देंचा ममाल्‍नीनी।

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

तीतस 1:3

आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०

हिब्रू 11:6

थमा मसुइक्‍थु मेको आ थुं नुपाइक्‍ने मजाप्‍ब। परमप्रभु यावे आ नेक्‍था जाक्‍दीन्‍ने यो मजाप्‍ब। मेको बाक्‍ब, दे थमा सुइक्‍चा माल्‍ब। मिनु मेको बाक्‍‍ब, दे थमा सुइक्‍बपुकीम मेको कली माल्‍नीम। मिनु आ कली माल्‍ब आन कली तपांइसीब।

याकूब 5:15

मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८