रोमी 1:9 - Sunuwar Bible

⁹ मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 1:9 ပူးပေါင်းရင်းမြစ်များ

अय्‍युब 16:19

मो हना यो आं सांकछी स्‍वर्गम बाक्‍ब। आं पर्बम लोव़ पाइब इर बाक्‍शो बाक्‍ब। अय्‍युब १७:३

मर्कूस 1:1

एको परमप्रभु यावे आ तौ येसु ख्रीस्‍त आ पर्बम ब्रेक्‍शो ग्‍येरपाइक्‍ब लोव़ बाक्‍ब। मेको लोव़ दोदेंशो पा गोइब देंशा हना,

लूका 18:1

मिनु येसुमी आ शेंसीब आन कली “परमप्रभु यावे कली पुंइचा नु ‘गे रिम्‍शो पाइब बाक्‍नीनी’ देंचा गेनायो मप्रोंइचा” दे रुप्‍पाइक्‍चा कली कथा सेला बाक्‍त। १थिस्‍सलोनिकी ५:१७

प्रेरित 12:5

पत्रुस जेल्‍खानमी चोक्‍सीशा बाक्‍मेनु, थमा सुइक्‍ब नेल्‍ल थुं का दुम्‍शा “पत्रुस कली कोव़ङीने, प्रोंइशा सोइक्‍तीने” दे प्रार्थना पा बाक्‍मा बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 24:14

लोव़ का चहिं हजुर, इन कली रुप्‍पाइक्‍नन्‍नी, गो येसु ख्रीस्‍त आ लां खोइश्‍शा गाक्‍नुङ। मेकोपुकीमी मेको लां दूली बाक्‍ब, दे मिम्‍शो बाक्‍नीम। ख्रीस्‍त आ लां खोइश्‍शा, साइ आं किकी पिपी आन परमप्रभु यावे कली ठेयब सेल्‍नुङ। गो मोसा आ अरेशो लोव़ नु परमप्रभु यावे आ लोव़ पाइबपुकीमी ब्रेक्‍शो लोव़ नेल्‍ल थमा सुइक्‍नुङ।

प्रेरित 27:23

दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

प्रेरित 3:26

मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६

रोमी 9:1

ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।

२ कोरिन्‍थी 1:23

परमप्रभु यावे कली सांकछी वोइश्‍शा, इन कली थमा पा देंनुङ, गो इन कली हुइक्‍चा कली कोरिन्‍थ मजाक्‍ङ।

२ कोरिन्‍थी 11:31

गेना हना यो ठेयब सेल्‍चा पुंइसीब प्रभु येसु आ आफ परमप्रभु यावेमी गो जोल मपाइनुङ, दे तुइक्‍ब।

गलाती 1:20

गोम इन कली ब्रेक्‍शो लोव़ थमान बाक्‍ब, देंनुङ। जोल ममाइ, दे परमप्रभु यावेमी तुइक्‍ब।

एफिसी 6:18

मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।

फिलिप्‍पी 1:3

गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। रोमी १:८; १कोरिन्‍थी १:४

फिलिप्‍पी 1:4

गो परमप्रभु यावे नु लोव़ पङानु, गेना हना यो नेल्‍ल इन कली मिम्‍शा, ग्‍येरशा पाइनुङ।

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

१ थिस्‍सलोनिकी 1:2

गोपुकी प्रार्थना पकानु, परमप्रभु यावे कली “गे थिस्‍सलोनिकी सहर ङा थमा सुइक्‍ब नेल्‍ल आन रिम्‍शो पाइतीनी” दे गेना हना यो देंनीकी।

१ थिस्‍सलोनिकी 3:10

मिनु नाक्‍दो नाक्‍त गोपुकी परमप्रभु यावे कली “थिस्‍सलोनिकी सहर ङा थमा सुइक्‍ब आन कली ग्रुम्‍थ सोइक्‍तीन। मुल सम्‍म मशेंथु लीशो लोव़ शेंथ सोइक्‍तीन” दे पुंइना पुंइन बाक्‍नीकी।

१ थिस्‍सलोनिकी 5:17

प्रार्थना पना पन बाक्‍कीन। लूका १८:१-८; रोमी १२:१२; एफिसी ६:१८; कलस्‍सी ४:२

१ तिमोथी 2:7

मोपतीके परमप्रभु यावेमी एको लोव़ शेंब नु ख्रीस्‍त आ सोइश्‍शो सेल्‍ती। गो जोल मपथु, थमा लोव़ पाइनुङ। इस्राएली आन कली ममाइ, तन्‍न रागी रागी ङा मुर आन कली थमा सुइक्‍तीके आ पर्बम शेंब नु थमा लोव़ शेंब सेल्‍ती। २तिमोथी १:११; गलाती २:७-८

२ तिमोथी 1:3

गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६

फिलेमोन 1:4

आं दाक्‍शो लोक्‍ब फिलेमोन, गो इ पर्बम प्रार्थना पङानु “फिलेमोन कली रिम्‍शो पपाइक्‍तीनी” दे परमप्रभु यावे कली ठेयब सेल्‍नुङ।

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२