रोमी 1:3 - Sunuwar Bible

³ येसु ख्रीस्‍त पिप दाऊद आ थरमी मुर दुम्‍शा, जरमेशो बाक्‍माक्‍त। रोमी ९:५; २सामुएल ७:१२; मत्ती २२:४२

रोमी 1:3 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

येरमीया 33:26

गो याकूब आ आल नु आं गेय पाइब दाऊद आ चच युइ आन कली तिल्‍नुङमी। मोपा मेको अब्राहाम, इसहाक नु याकूब आन मुर आन कली पिप दुम्‍चा कली मयोव़नुङमी। तन्‍न गो मेको ङोंइती खोदेंशो पा, मेको आन थुं नाइक्‍चा गेनुङमी। मिनु मेको आन कली शिशी पाइनुङमी” देंत।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

मत्ती 1:1

अब्राहाम आ तौ, पिप दाऊद आ तौ, येसु ख्रीस्‍त आ किकी पिपी आन नें एको बाक्‍नीम। १इतिहास १७:११; उत्‍पत्ती २२:१८

मत्ती 1:16

मिनु याकूबमी योसेफ थि‍माक्‍त। योसेफ मरीयम आ वोंइश बाक्‍माक्‍त। मरीयममी येसु थि‍माक्‍त। येसु कली ख्रीस्‍त देंमा बाक्‍त। लूका १:२७

मत्ती 1:6

पिप दाऊदमी उरीयाह आ मीश चाक्‍शा, सोलोमन थि‍माक्‍त। २सामुएल१२:२४

मत्ती 12:23

मेकेर देल्‍शोपुकीमी “ओहो, एकोन दाऊद आ तौ बाक्‍म कोर में?” देंमुम्‍तेक्‍म। मत्ती २१:९; यूहन्‍ना ७:४२

मत्ती 15:22

मिनु मार दुम्‍त देंशा हना, कनानी रागी ङा मीश मुर का जाक्‍शा “दाऊद आ तौ, प्रभु, शिशी पाइय्‍यीनी। आं तमी कली वोलम सुम्‍शा शुश श्‍येत गेप्‍तु। वोल कली खेरशा सापतीने” दे ङाक्‍न ङाक्‍न पुंइतु।

मत्ती 26:63

मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४

मत्ती 27:43

परमप्रभु यावे कली थमा सुइक्‍बाक्‍माक्‍त। मोपतीके परमप्रभु यावेमी एको कली दाक्‍ताक्‍व हना, एको श्‍येत रे प्रोनल। ‘परमप्रभु यावे आ तौ नङ’ देंत, मोपतीके परमप्रभु यावे आ दाक्‍शो बाक्‍माक्‍त” दे शुक्‍शी पामे बाक्‍त। भजन संग्रह २२:९

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

मत्ती 9:27

मिनु येसु मेकेर रे लमेनु, मिक्‍च मताइब निक्‍शीमी “ए दाऊद पिप आ तौ, आंस कली शिशी पांइस्‍की” दे रेयके पा वाइ ब्रेश्‍शा, आ नोले खोइक्‍ताक्‍स। मत्ती २०:३०

लूका 1:35

“परमप्रभु यावे आ सोक्‍तीमी इ कली सुम्‍ब। मिनु नेल्‍ल क्‍येङा ठेयब आ सक्ति ताइनेवे। मोपतीके इ आल परमप्रभु यावे के बाक्‍ब। मेको कली परमप्रभु यावे आ तौ देंनीम। मत्ती १:१८-२०

लूका 1:69

मेकोमी आ गेय पाइब दाऊद आ खिं ङा मुर रे इं कली सक्ति पाइश्‍शो पाप रे प्रोंइब सोइक्‍ताक्‍व।

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 1:34

मिनु गो मेको नेल्‍ल ताता। परमप्रभु यावे आ तौ मेकोन बाक्‍ब, दे तुइश्‍शा, इन कली तुइक्‍पाइक्‍तन्‍नी” दे यूहन्‍नामी देंत।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 10:30

गो नु आं आफ उइक्‍थ उइक्‍थ नस्‍कु” देंत।

यूहन्‍ना 10:36

परमप्रभु यावेमी आं कली रागीमी सोइक्‍चा कली ठीक सेल्‍तु। गेपुकीमी चहिं ‘परमप्रभु यावे आ पर्बम मरिम्‍शो लोव़ देंनेवे’ देंनीनी। मारदे हना ‘गो परमप्रभु यावे आ तौ नङ’ देंती। यूहन्‍ना ५:१७-२०

यूहन्‍ना 20:28

थोमासमी “आं प्रभु, आं परमप्रभु यावे” देंत। यूहन्‍ना १:१

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 5:25

नोफा दाइश्‍शा नेनीन, बेक्‍शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्‍चा ताइब। एफिसी २:५-६

यूहन्‍ना 7:42

परमप्रभु यावे आ लोव़मी ‘ख्रीस्‍त दाऊद आ खिं ङा मुर रे नु दाऊद आ गाउं बेथलेहेम रे जाक्‍ब’ मदेंम ङा?” देंतेक्‍म। मत्ती २२:४२; मीका ५:१; मत्ती २:५-६

प्रेरित 2:30

परमप्रभु यावेमी आ लोव़ पाइब दाऊद कली ‘इ चच युइ रे पिप का सेल्‍नुङ’ दे लोव़ गेशो तुइश्‍शो बाक्‍त।

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

प्रेरित 9:20

मिनु सावल ग्रुम्‍तीक खिं खिं लशा “येसु परमप्रभु यावे आ तौ बाक्‍ब” दे शेंना शेंन यहूदी आन कली येसु आ पर्बम शुश लोव़ तुइक्‍पाइक्‍मी बाक्‍त।

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 4:1

इं किकी अब्राहाममी रिती थिती धर्म पशो तशा, परमप्रभु यावेमी ठीक दुम्‍पदा ङा? ममाइ।

रोमी 9:3

आं लोक्‍ब, आ खिं ङा मुर आन पा ङा गो सराप रशा, ख्रीस्‍त रे तिल्‍चा पुंइसीचा यो बिस्‍सीङ वा। प्रस्‍थान ३२:३२

रोमी 9:5

नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४

१ कोरिन्‍थी 1:9

परमप्रभु यावेमी इन कली आ तौ इं प्रभु येसु ख्रीस्‍त नु गेना हना यो काथा बाक्‍चा कली योव़तु। मिनु आ देंशो लोव़ नेल्‍ल खाप्‍ब। १थिस्‍सलोनिकी ५:२४

१ कोरिन्‍थी 10:18

आंइ इस्राएल ङा चढ़ेबपुकीमी चढ़ेशो गेय मिम्‍तीने। चढ़ेबपुकीमी मारेइ मारेइ क्‍योरशा, मेको चढ़ेशो जाइनीम ब्‍वाइनीम। मो पामेनु, चढ़ेतीके नु काथा बाक्‍शो खोदेंशो दुम्‍नीम। लेवी ७:६

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ थिस्‍सलोनिकी 1:10

मिनु बेक्‍शो रे सेंशो परमप्रभु यावे आ तौ लेंशा सरीङ रे यीब, दे रिम्‍शा बाक्‍तीनी। येसुमी इं कली परमप्रभु यावे आ गाइक्‍चा रे प्रोंइब। तीतस २:१३

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

२ तिमोथी 2:8

येसु ख्रीस्‍त कली मिम्‍तो। मेको दाऊद आ खिं रे जाक्‍शा, बेक्‍शो रे सेंसाक्‍व। आं शेंशो ग्‍येरपाइक्‍ब लोव़ मेकोन बाक्‍ब। १कोरिन्‍थी १५:४,२०; रोमी १:३

१ यूहन्‍ना 1:3

मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।

१ यूहन्‍ना 3:23

मिनु आ अरेशो लोव़ मार बाक्‍ब देंशा हना, परमप्रभु यावे आ सोइश्‍शो येसु ख्रीस्‍त कली थमा सुइक्‍चा नु इं दातेमी दाक्‍मुचा इं कली अरेशो लोव़ बाक्‍ब। यूहन्‍ना ६:२९; यूहन्‍ना १५:१७

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

१ यूहन्‍ना 5:5

सु सुमी ग्रानीम देंशा हना “येसु परमप्रभु यावे आ तौ बाक्‍ब” दे थमा सुइक्‍बमी ग्रानीम। १यूहन्‍ना ४:४

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३

प्रकाश 2:18

मिनु परमप्रभु यावे आ तौमी आं कली थिआटीरा सहर ङा थमा सुइक्‍ब आन शेंब कली ब्रेक्‍पाइक्‍ती। एको आ मिक्‍च हुरुर पा ब्रशो मी खोदेंशो तांइसीशो नु आ खोइली याप्‍पाइश्‍शो टल्‍केशो कांसा खोदेंशो तांइसीशो आ लोव़ बाक्‍ब। प्रेरित १६:१४; प्रकाश १:१४-१५