रोमी 1:16 - Sunuwar Bible

¹⁶ ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

रोमी 1:16 ပူးပေါင်းရင်းမြစ်များ

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

भजन संग्रह 119:46

गो पिप आन ङोंइती इन देंशो लोव़ आ पर्बम लोव़ पाइनुङ। मिनु मुने मदोक्‍नुङ। मत्ती १०:१८

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

येरमीया 23:29

परमप्रभु यावेमी “मार, आं लोव़ मी खोदेंशो मबाक्‍बा ङा? मेको सेरथे फुल्‍लु कली प्रोल्‍ब घन खोदेंशो मबाक्‍बा ङा?” दे परमप्रभु यावेमी देंत। हिब्रू ४:१२

मर्कूस 8:38

सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३

लूका 9:26

सुमी आं पर्बम नु आं लोव़ आं पर्बम देंचा कली मुने पाइबा, मेको आ पर्बम रागीम जरमेशोमी, आ आफ आ छेङछेङमी, परमप्रभु यावे आ स्‍वर्ग ङा गेय पाइबपुकी नु जाक्‍मेनु ‘मेको कली मतुइक्‍नुङ, सु बाक्‍मे?’ देंब। मत्ती १०:३३; २तिमोथी १:८

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

प्रेरित 3:26

मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६

रोमी 10:17

ङोंइती ख्रीस्‍त आ लोव़ नेंशा तुइक्‍पाइक्‍चा माल्‍नीम। मेको लोव़ नेंशा ला थमा सुइक्‍ने चाप्‍नीम।

रोमी 15:19

परमप्रभु यावे आ सोक्‍तीम गेशो सक्तिमी चिन्‍ड नु छक लाक्‍चा ङा गेय कोंइताक्‍ङमी। यरूसलेम सहर रे लशा, इल्‍लीरीकुम रागी सम्‍म जाक्‍दीश्‍शा, सहर सहर, गाउं गाउंमी ख्रीस्‍त आ ग्‍येरपाइक्‍ब लोव़ नेल्‍ल शेंना शेंन गाक्‍ती। मर्कूस १६:१७; २कोरिन्‍थी १२:१२

रोमी 15:29

इन बाक्‍तीके जाक्‍ङानु, ख्रीस्‍त आ आसीकम जाक्‍नुङ, दे तुइक्‍ताक्‍ङ।

रोमी 2:9

मरिम्‍शो पाइबपुकी हिंशा बाक्‍शा, शुश श्‍येत जाइनीम। नेल्‍ल आन क्‍येङा ङोंइती यहूदी सजाइ ताइनीम। मिनु ग्रीक यो सजाइ ताइनीम।

रोमी 4:11

आ थमा सुइश्‍शोमी ठीक दुम्‍पाइक्‍चा कली ख्रोइक्‍तीक चिनु छाप खोदेंशो पा ताप्‍तु। मारदे हना मेको ङोंइतीन थमा सुइक्‍ब बाक्‍त। मोपतीके मेको ख्रोइक्‍तीक चिनु मख्रोइश्‍शो थमा सुइक्‍ब, ठीक दुम्‍शो नेल्‍ल आन आफ दुम्‍त। उत्‍पत्ती १७:१०-११

१ कोरिन्‍थी 15:2

एको लोव़ दोपा शेंदन्‍नी, मोपा थमा सुइक्‍ना सुइक्‍न बोल्‍यो दुम्‍‍तीनी हना, परमप्रभु यावे नु बाक्‍चा ताइनीनी।

१ कोरिन्‍थी 2:2

मारदे हना येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍चा पुंइसीशो लोव़ ङा लाक्‍शा अरु मशेंनुङमी, दे आं थुं फ्रेंशा जाक्‍शो नङ। गलाती ६:१४

१ कोरिन्‍थी 2:4

मुर आन कली जोक्‍तीक तुइक्‍तीक कोंइशा, ठेयब लोव़ मपङ। तन्‍न परमप्रभु यावे आ सोक्‍तीम कोंइशो सक्ति रे पा शेंताक्‍न्‍नी। मत्ती १०:२०

१ कोरिन्‍थी 9:12

अरु शेंबपुकीमी मेको ताम्‍तेक्‍म हना, मार, गो मेको आन क्‍येङा मताइनीकी ङा? मो हना यो गो मोदेंशो लोव़ मपाइनीकी। ख्रीस्‍त आ ग्‍येरपाइक्‍ब लोव़ शेंशोनु, श्‍येत मदुम्‍ल, दे मोदेंशो लोव़ मपाइनीकी। प्रेरित २०:३३-३५ २कोरिन्‍थी ११:९

१ कोरिन्‍थी 9:18

मिनु आं शेंशा गाक्‍शो ङा मार ताक्‍गु ङा? गो प्रभु आ ग्‍येरपाइक्‍ब लोव़ मारेइ मताक्‍थु शेंनुङ। ग्‍येरपाइक्‍ब लोव़ शेंब आन तचा ङा, ताक्‍चा मदाक्‍नुङ।

२ कोरिन्‍थी 2:12

गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ कोरिन्‍थी 9:13

एको क्‍येट पोक्‍तीक गेय पशा इन टितीक नाक्‍सीशो बाक्‍ब। मिनु गे परमप्रभु यावे कली ठेयब सेल्‍शो बाक्‍नीनी। मिनु इन हाइश्‍शा मेको आन कली नु अरु आन कली गेशोमी गे ख्रीस्‍त आ ग्‍येरपाइक्‍ब लोव़ तुइक्‍ब बाक्‍नीनी, दे कोंइनीनी।

गलाती 1:7

थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

१ तिमोथी 1:11

मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

२ तिमोथी 1:16

प्रभुमी ओनेसीफरस आ खिं ङा मुर आन कली शिशी पवल। मारदे हना साङलोम पाइश्‍शो बाक्‍ङानु, ओनेसीफरस आं पर्बम मुने मपथु, आं कली शुश रिम्‍शो पाप्‍तु। २तिमोथी ४:१९

२ तिमोथी 1:8

इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

१ पत्रुस 4:16

तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। फिलिप्‍पी १:२०