रोमी 1:14 - Sunuwar Bible

¹⁴ मारदे हना ग्रीक नु अर्को रागी ङा, जोक्‍ब नु मजोक्‍ब, पढेशो मपढेशो, नेल्‍ल आन कली येसु ख्रीस्‍त आ लोव़ शेंचान माल्‍नुङ।

रोमी 1:14 ပူးပေါင်းရင်းမြစ်များ

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

हितोपदेस 8:5

मारेइ मजोक्‍बपुकी होस पतीके शेंसीन। निप्‍स मपाइश्‍शो बाक्‍तीनी हना, निप्‍स पाइश्‍शो दुमीन।

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

लूका 10:21

मिनु येसु परमप्रभु यावे आ सोक्‍तीम पतीके ग्‍येरशा “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ रुप्‍तीक थुं मगेनी। मजोक्‍ब मतुइक्‍ब आन कली रुप्‍तीक थुं गेतीनी। गे मोदेंशो पचा दाक्‍ताक्‍नी। १कोरिन्‍थी २:७

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

प्रेरित 28:2

मेको टापुमी बाक्‍बपुकीमी आंइ कली तशा, शिशी पा शुश रिम्‍शो पा वारच पाम्‍तेक्‍म। मेकेर थम ग्‍यू पा रेउ यित। मोपतीके मेकोपुकीमी मी मुइश्‍शा थेरपाइक्‍तीकी। २कोरिन्‍थी ११:२७

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

रोमी 12:16

थुं का ङा दुम्‍शा, दुशा गारशा बाक्‍कीन। जोक्‍ब तुइक्‍ब नङ, दे ठेयब मलेत्‍तीने। आंम महिक्‍सीशो सुंइ‍सीन। जोक्‍ब तुइक्‍ब ममिम्‍सीने। रोमी १५:५; फिलिप्‍पी २:२; यसैया ५:२१

रोमी 13:8

मारेइ मारेइम दाक्‍मुशा बाक्‍कीन। दाक्‍ताक्‍नी हना, परमप्रभु यावे आ अरेशो लोव़ खाप्‍नीनी। गलाती ५:१४; १तिमोथी १:५

रोमी 16:19

गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०

रोमी 8:12

आं लोक्‍बपुकी “परमप्रभु यावे आ सोक्‍त इन आगामी बाक्‍ब” दे तुइक्‍ताक्‍नी हना, मुर आन थुंमी मिम्‍शो पचा ममाल्‍नीनी। रोमी ६:७,१८

१ कोरिन्‍थी 14:11

तन्‍न गो मेको लोव़ रुप्‍ने मचाप्‍ता हना, गो अर्को रागी ङा मुर दुम्‍नुङ। मिनु मेको लोव़ पाइब आं कली यो अर्को रागी ङा मुर दुम्‍ब।

१ कोरिन्‍थी 14:16

मिनु गेपुकी खुम्‍सीशा बाक्‍नीनु, सोक्‍त आ लोव़म आसीक गेशा, परमप्रभु यावे कली “गे रिम्‍शो पाइब बाक्‍नीनी” देंतीनी हना, दोपा मरुप्‍ब मुरुमी “आमेन” देंने चाप्‍बा ङा?

१ कोरिन्‍थी 2:13

मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।

१ कोरिन्‍थी 3:18

सुइमी आंम कली जोल मपांइसेक्‍ल। इन दातेमी सुइमी आंम कली जोक्‍ब तुइक्‍ब मिम्‍साक्‍व हना, मेको मूर्ख दुम्‍ल। मोपा ला जोक्‍ब तुइक्‍ब दुम्‍ने चाप्‍ब। प्रकाश ३:१७-१८

२ कोरिन्‍थी 10:12

आंमान ठेयब सेल्‍सीबपुकी नु मगारनीकी। आन पशो खोदेंशो यो मपाइनीकी। मेकोपुकीमी ठेयब सेल्‍सीशा, आंम आन जोक्‍तीक तुइक्‍तीक कोंइमुइनीम। मोदेंशो पशोमी “मारेइ मरुप्‍ब बाक्‍नीम” दे तुंइसीब। २कोरिन्‍थी ३:१; २कोरिन्‍थी ५:१२

२ कोरिन्‍थी 11:19

गे ग्‍येरसीशा निप्‍स ग्राइश्‍शो आन लोव़ फाल्‍नीनी। मिनु आंम कली जोक्‍ब तुइक्‍ब मिम्‍नीनी। १कोरिन्‍थी ४:१०

कलस्‍सी 3:11

मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३