रोमी 1:13 - Sunuwar Bible

¹³ आं लोक्‍बपुकी, गो शुश खेयप “रोम सहर पिङ” देंती, तन्‍न मुल सम्‍म पिने मचबु। अर्को रागी ङा मुर आन कली येसु ख्रीस्‍त आ लोव़ शेंना शेंन गाक्‍ती। मेको लोव़ शेंदुनु, शुशेम थमा सुइक्‍तेक्‍म। गेपुकी नु यो बाक्‍शा, येसु ख्रीस्‍त आ लोव़ पचा दाक्‍नुङ। मो पङानु, का निक्‍शी थमा मसुइक्‍बमी यो थमा सुदमेक्‍ल, थमा सुइक्‍ब आन थुं बारल, दे मिम्‍नुङ।

रोमी 1:13 ပူးပေါင်းရင်းမြစ်များ

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

यूहन्‍ना 12:24

नोफा दाइश्‍शा नेनीन, चेरब गेडा खपीमी शोक्‍शा मराक्‍त हना, मेको मोशा लीब। तन्‍न शोक्‍शा राक्‍त हना, शुश ग्रेल्‍ब। रोमी १४:९; १कोरिन्‍थी १५:३६

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 4:36

रुप्‍‍बमी गाल्‍च ताइब। मेकोमी गेना हना यो ब्रोंइशा बाक्‍चा कली मुर आन कली चाक्‍ब। मिनु शोक्‍ब नु रिक्‍ब नेल्‍ल कालेम ग्‍येरसीनीम।

प्रेरित 1:15

मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९

प्रेरित 14:27

मिनु जाक्‍शा थमा सुइक्‍ब आन कली खुप्‍शा, दोपा परमप्रभु यावेमी आं नु बाक्‍शा गेय पपाइश्‍शा आसीक गेवा, दोपा अर्को रागी ङा मुर आन कली थमा सुइक्‍पा, पाप रे ब्रोंइतीक लां कोंइशा, आ मुर सेला, मेको लोव़ नेल्‍ल तुइक्‍पदसे बाक्‍त। १कोरिन्‍थी १६:९

प्रेरित 15:12

मिनु बारनाबास नु पावल आस पालो लोव़ पचा गोम्‍से बाक्‍त। अर्को रागी ङा मुरपुकी नु बाक्‍सानु, दोपा परमप्रभु यावेमी चिन्‍ड नु छक लाक्‍चा ङा गेय पपदा, मेको लोव़ नेल्‍ल तुइक्‍पदसे बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

प्रेरित 21:19

मिनु ग्रुम्‍शा सेउ पमुशा, पावलमी अर्को रागी ङा मुर आन कली ख्रीस्‍त आ पर्बम शेंना शेंन गाक्‍मेनु, परमप्रभु यावेमी दोपा ठेयब गेय पपाइश्‍शो बाक्‍मे, मेको लोव़ नेल्‍ल का का पा रुप्‍पाइक्‍तीमी।

प्रेरित 28:14

मेकेर जाक्‍दीश्‍शा, जहाज रे तोइश्‍शा, सहर लाइतक। मिनु थमा सुइक्‍ब लोक्‍ब आन कली ग्रुम्‍कानु, मेकोपुकीमी “बाक्‍कीन, बाक्‍कीन” देंतीके ७ नाक्‍त सम्‍म बाक्‍तक। मिनु रोम सहर गे लाइतक।

रोमी 1:12

मिनु मोपा आं थमा सुइश्‍शोमी इन कली नु इन थमा सुइश्‍शोमी आं कली नेल्‍ल इं थुं बारपदल, दे मिम्‍ताक्‍ङ। २पत्रुस १:१

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

रोमी 7:1

आं लोक्‍बपुकी, मुल गो अरेशो लोव़ तुइक्‍ब इन कली शेंचा दाक्‍ती। मबेक्‍या सम्‍म ला अरेशो लोव़ कली टिचा माल्‍नय।

१ कोरिन्‍थी 1:10

आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२

१ कोरिन्‍थी 10:1

आं लोक्‍बपुकी, गो आंइ इस्राएली किकी पिपी आन पशो आ पर्बम लोव़ का निक्‍शी शेंनन्‍नी। आंइ किकी पिपी नेल्‍ल गोस्‍स आगाम बाक्‍शा, समुन्‍द्र शोक्‍सीशा लमा बाक्‍त। प्रस्‍थान १३:२१; प्रस्‍थान १४:२२

१ कोरिन्‍थी 12:1

आं लोक्‍बपुकी, इन कली परमप्रभु यावे आ सोक्‍तीम पपाइश्‍शो गेय मजोक्‍थु बाक्‍शो तशा, आं थुं मनुङ। मोपतीके एको गेय आ पर्बम शेंनन्‍नी।

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

१ कोरिन्‍थी 9:2

शुश मुरुमी आं पर्बम “आं कली ख्रीस्‍त आ लोव़ शेंथ सोइश्‍शो ममाइ” दे मिम्‍ताक्‍म हना यो, इन कली शेंथ सोइश्‍शो नङ। मारदे हना प्रभु आ मुर दुम्‍तीनी। गे आं सोइश्‍शो दुम्‍तीके आ छाप बाक्‍नीनी। १कोरिन्‍थी ४:१५; २कोरिन्‍थी ३:२-३

२ कोरिन्‍थी 1:8

आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२

२ कोरिन्‍थी 2:14

तन्‍न परमप्रभु यावे कली “गे रिम्‍शो पाइब बाक्‍ननी” दे ठेयब सेल्‍नीकी। मारदे हना ख्रीस्‍त आ नेंमी ग्राना ग्रान लाइनीकी। मोपा शेंना शेंन हिरशा गाक्‍कानु, ब्रोव़शो रिना पाइश्‍शो खोदेंशो पा नेल्‍लेमी ख्रीस्‍त कली तुइक्‍नीमी।

गलाती 3:15

आं लोक्‍बपुकी, कथा सेल्‍शा रुप्‍पाइक्‍नन्‍नी, कागज ब्रेक्‍शा, ब्रेप्‍चो दिम्‍ने थुम्‍शो ङा मेरे मेको ब्रेक्‍शो लोव़ लीब। सुइमी मारेइ लोव़ क्‍याम्‍ने तेम्‍ने मचाप्‍नीम।

गलाती 6:18

आं लोक्‍बपुकी, इं प्रभु येसु ख्रीस्‍तमी इन कली शिशी पा, आ सोक्‍त इन थुंमी लीपदल। आमेन।

फिलिप्‍पी 1:22

गो ब्रोंइती हना, ख्रीस्‍त आ गेय पाइनुङ। तन्‍न तेको गेय योव़नुङा मेको मतुइक्‍नुङ।

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

१ थिस्‍सलोनिकी 2:18

गो इन कली ग्रुम ग्रुम दाक्‍बमी गो पावल चहिं शुश पिचा दाक्‍शो बाक्‍ती। तन्‍न सैतानमी आंइ कली ग्रुम्‍थ पिचा मगेव।

१ थिस्‍सलोनिकी 4:13

आंइ लोक्‍बपुकी, बेक्‍शो मुर आ पर्बम रागी रागी ङा मुरपुकीमी हिशेक शुश पाइनीम। मारदे हना मेको आन के आस मबाक्‍ब। गेपुकी चहिं मतुइक्‍ब खोदेंशो पा, बेक्‍शो इन वारच आन पर्बम थुं खाइक्‍पाइश्‍शा मबाक्‍कीन। १कोरिन्‍थी १५:२०; एफिसी २:१२

२ थिस्‍सलोनिकी 2:7

आ मरिम्‍शो गेय चहिं मुल बाक्‍ब। तन्‍न मतांइसीब। तेक्‍ब मयाक्‍से सम्‍म मेको ग्रूने मचाप्‍ब।

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३