रोमी 1:1 - Sunuwar Bible

¹ गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

रोमी 1:1 ပူးပေါင်းရင်းမြစ်များ

१ इतिहास 23:13

अम्राम आ तौ हारून नु मोसा बाक्‍सा बाक्‍त। हारून नेल्‍ल क्‍येङा चोव़खो चढ़ेतीक गेय पाइब सेल्‍चा कली योव़चा पुंइसे बाक्‍त। मेको नु आ तौपुकी गेना हना यो परमप्रभु यावे आ ङोंइती चढ़ेचा माल्‍द‍मे बाक्‍त। परमप्रभु आ ङोंइती गेय पचा कली नु आ नेंमी गेना हना यो आसीक गेचा कली योव़शो बाक्‍मा बाक्‍त। १इतिहास ५:२९; १इतिहास ६:३४; ब्‍यवस्‍था १०:८; गन्‍ती ६:२४-२७

यसैया 49:1

गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।

येरमीया 1:5

“गो इ कली कोव़जीम जोल्‍चा क्‍येङा ङोंइती तुइक्‍ताक्‍ङ। गो इ कली जरमेचा क्‍येङा ङोंइती योव़शा तिल्‍तन। मिनु इ कली रागी रागी ङा मुर आन कली आं लोव़ पाइब सेल्‍तन” देंत। यसैया ४९:१; गलाती १:१५

मर्कूस 1:14

यूहन्‍ना जेल्‍खानमी चोक्‍चा पुंइसे नोले, येसुमी गालील रागीमी परमप्रभु यावे आ ग्‍येरपाइक्‍ब लोव़ नेंपाइक्‍ना पाइक्‍न गाक्‍माक्‍त।

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

यूहन्‍ना 15:20

मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

प्रेरित 13:9

सावल कली पावल यो देंनीमी। मिनु पावलमी चटक कोंइबमी हुकुम पाइब आ थुं हिरपाइक्‍चा माल्‍शो तुइश्‍शा, परमप्रभु यावे आ सोक्‍तीम ब्रीशा सक्ति पाइश्‍शो दुम्‍शा, चटक कोंइब कली मिक्‍च मयाक्‍थु कोव़स ङा कोव़स पा

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 21:40

मिनु लडाइ पाइब आन ठेयब मुरुमी “लो, लोव़ पचा गेनन” देंमाक्‍त। मिनु पावल ग्रूशा तला तारी ङा लाङगाम राप्‍शा “लो, सिक्‍सी पा आं लोव़ नेनीने” दे गुइ हिक्‍ता बाक्‍त। मिनु पावलमी हिब्रू लोव़ पा, मुर नेल्‍ल सिक्‍सी पामे बाक्‍त।

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

प्रेरित 22:7

मिनु गो दिङ गोल्‍ती। मिनु ‘सावल, सावल मारदे आं कली खेदा पा श्‍येत गेयी?’ देंशो नेंता।

प्रेरित 26:1

मिनु पिप अग्रीप्‍पामी पावल कली “इ लोव़ मार बाक्‍मे, मेको देनो” दे लोव़ पचा गेवा बाक्‍त। मिनु पावलमी गुइ का पोक्‍शा,

प्रेरित 26:14

मोदेंशो छेङछेङ दुम्‍शो तशा, गो नेल्‍ल दिङ दाङ गोल्‍तक। मिनु हिब्रू लोव़ पा आं नें थिशा ‘सावल, सावल आं कली मारदे खेदा पा श्‍येत गेयी? गे आंमा श्‍येत जाइनेवे’ दे लोव़ पशो नेंता।

प्रेरित 27:23

दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

रोमी 1:16

ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 11:13

मिनु गो अर्को रागी ङा मुर, इन कली “गो अर्को रागी ङा मुर आन कली लोव़ शेंथ सोइक्‍चा पुंइसाक्‍यी। एको शेंतीक गेय शुश रिम्‍शो लाक्‍ती।

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

रोमी 15:29

इन बाक्‍तीके जाक्‍ङानु, ख्रीस्‍त आ आसीकम जाक्‍नुङ, दे तुइक्‍ताक्‍ङ।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

१ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो ब्रेत्‍चा पुंइसीशो, गो पावल नङ। इं लोक्‍ब सोस्‍थेनेस नु गोमी कोरिन्‍थ सहरम बाक्‍ब परमप्रभु यावे आ मुर दुम्‍शा देल्‍ब इन कली एको चिठी ब्रेक्‍शा सोइक्‍ताक्‍स्‍कु।

१ कोरिन्‍थी 9:1

गो आं दाक्‍शो, आं मिम्‍शो पने मचाप्‍नुङा ङा? गो ख्रीस्‍त आ सोइश्‍शो मनङा ङा? आं मिक्‍चीमी इं प्रभु येसु ख्रीस्‍त कली मतशो नङा ङा? गो प्रभु आ गेय पङा रे गेपुकी यो प्रभु आ मुर मदुम्‍नी ङा? १कोरिन्‍थी १५:८; प्रेरित ९:३-५,१५

२ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१

२ कोरिन्‍थी 11:5

गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। २कोरिन्‍थी १२:११

२ कोरिन्‍थी 11:7

गो ब्रेम्‍शो दुम्‍शा, इन कली ठेयब सेल्‍चा कली परमप्रभु यावे आ ग्‍येरपाइक्‍तीक लोव़ क्‍येट मताक्‍थु शेंताक्‍ङ। मार, मेको पाप मिम्‍नीनी? २कोरिन्‍थी १२:१३; मत्ती १०:८; १कोरिन्‍थी ९:१२-१८

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

२ कोरिन्‍थी 2:12

गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९

२ कोरिन्‍थी 4:5

गो आंम पर्बम मशेंनीकी। तन्‍न येसु ख्रीस्‍त प्रभु बाक्‍ब, दे शेंनीकी। मिनु येसु आ पतीके गो इन गेय पाइब दुम्‍तक।

गलाती 1:1

गो सोइश्‍शो ब्रेत्‍चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्‍शो यो मनङ। येसु ख्रीस्‍त कली बेक्‍शो रे सेंब इं आफ परमप्रभु यावे नु येसु ख्रीस्‍त आस सोइश्‍शो नङ। गलाती १:११-१२

एफिसी 1:1

गो पावल नङ। ख्रीस्‍त येसुम आं कली सोइक्‍ताक्‍यी। मेको परमप्रभु यावे आ दाक्‍शो बाक्‍त। मिनु गो एको चिठी एफिसस सहरम बाक्‍ब येसु ख्रीस्‍त कली थमा सुइक्‍ब, परमप्रभु यावे आ मुर इन कली ब्रेक्‍ताक्‍न्‍नी।

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 4:11

मिनु येसु ख्रीस्‍तम मुर आन कली गेशो गेय मार बाक्‍ब देंशा हना, का निक्‍शी आ सोइश्‍शो दुम्‍नीम, का निक्‍शी परमप्रभु यावे आ लोव़ पाइब दुम्‍नीम, का निक्‍शी ग्‍येरपाइक्‍ब लोव़ नेंपाइक्‍ब दुम्‍नीम, का निक्‍शी थमा सुइक्‍ब आन कली कोव़ब नु शेंब दुम्‍नीम। १कोरिन्‍थी १२:२८; प्रेरित २१:८

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

फिलिप्‍पी 2:11

मिनु नेल्‍लेमी “येसु ख्रीस्‍त प्रभु बाक्‍ब” दे परमप्रभु यावे, इन आफ कली ठेयब सेल्‍चा माल्‍नीम। प्रकाश ५:१३

कलस्‍सी 1:1

गो परमप्रभु यावे आ दाक्‍शो पा, ख्रीस्‍त येसु आ सोइश्‍शो पावल नङ। इं लोक्‍ब तिमोथी गो नु बाक्‍ब।

कलस्‍सी 1:25

परमप्रभु यावे आ पतीकेमी मेको आन कली शेंब दुम्‍ती। परमप्रभु यावेमी आ लोव़ नेल्‍ल मेको आन कली शेंतीक गेय गेती। मोपा आ लोव़ खाप्‍चा कली शेंब सेल्‍ती।

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

१ थिस्‍सलोनिकी 2:8

गोपुकीमी इन कली शुश दाक्‍शा, परमप्रभु यावे आ ग्‍येरपाइक्‍ब लोव़ शेंचा ला ममाइ, तन्‍न शेंचा आ पर्बम बेक्‍चा माल्‍तक हना यो, बेक्‍नीकी। २कोरिन्‍थी १२:१५

१ थिस्‍सलोनिकी 2:9

आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

१ तिमोथी 2:7

मोपतीके परमप्रभु यावेमी एको लोव़ शेंब नु ख्रीस्‍त आ सोइश्‍शो सेल्‍ती। गो जोल मपथु, थमा लोव़ पाइनुङ। इस्राएली आन कली ममाइ, तन्‍न रागी रागी ङा मुर आन कली थमा सुइक्‍तीके आ पर्बम शेंब नु थमा लोव़ शेंब सेल्‍ती। २तिमोथी १:११; गलाती २:७-८

२ तिमोथी 1:11

मेको ग्‍येरपाइक्‍ब लोव़ तुइक्‍पाइक्‍चा, दे गो लोव़ पाइब, ख्रीस्‍त आ सोइश्‍शो नु शेंब दुम्‍ती। १तिमोथी २:७

तीतस 1:1

गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

हिब्रू 5:4

मोदेंशो चढ़ेब आंमन दुम्‍ने मचाप्‍नीम। हारून योव़चा पुंइसीशो खोदेंशो पा परमप्रभु यावेमी मेको आन कली योव़ब। प्रस्‍थान २८:१

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

१ पत्रुस 4:17

निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? येरमीया २५:२९; इजीकीएल ९:६

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 22:6

मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। प्रकाश १:१

प्रकाश 22:9

मेकोमी चहिं आं कली “मपावो, गो परमप्रभु यावे आ लोव़ पाइब इ लोक्‍बपुकी नु एको किताबमी ब्रेक्‍शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्‍शा मान पावो” दे माइक्‍ती।