प्रकाश 9:4 - Sunuwar Bible

⁴ मिनु मेको आन कली “मेको रागी ङा घांस नु रवा ङा सफा मबिग्रेने, परमप्रभु यावे आ छाप कुप्‍फीमी मथोक्‍शो मुर आन कली ला श्‍येत गेने। प्रकाश ७:३

प्रकाश 9:4 ပူးပေါင်းရင်းမြစ်များ

अय्‍युब 1:10

गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।

अय्‍युब 1:12

मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। ब्‍यवस्‍था ८:२

अय्‍युब 2:6

मिनु परमप्रभु यावेम सैतान कली “लो मो हना, मेको कली इ मिम्‍शो पावो। तन्‍न मेको कली मसतो” देंमाक्‍त।

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

प्रस्‍थान 12:23

परमप्रभु यावे इजीप्‍त ङा मुर साइक्‍चा कली हिरब। परमप्रभु यावेमी लाप्‍चो आ पिया नु थाममी हुश ख्रेक्‍शो तशा, इं खिं हेरशा लाक्‍ब। मिनु साइक्‍ब कली इं खिंम ओव़चा मगेब।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

इजीकीएल 9:6

खूशो, ठिटा ठिटी, मीश मुर नु आल ब्रेप्‍च नेल्‍ल आन कली सतीन। तन्‍न आन कुप्‍फीम मेको चिन्‍ड पाइश्‍शो आन कली मथिने। आं बाक्‍तीक रे मेको मो पचा गोने” दे माइक्‍तीमी। मिनु मेकोपुकीम मेको परमप्रभु यावे आ खिं आ ङोंइती बाक्‍शो खाल्‍पा आन रेन मो पचा गोम्‍तेक्‍म। येरमीया २५:२९

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

एफिसी 4:30

परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

प्रकाश 14:1

मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२

प्रकाश 6:6

मिनु गो मेको ४ ओटा सेस जन्‍तु आन दातेमी सेंदा कामी “काबु ङा गेय कली माना निक्‍शी चेरब फस गाल्‍च माल्‍ताक्‍व। मिनु काबु ङा गेय कली माना सां क्‍योव़ज फस गाल्‍च माल्‍ताक्‍व। तेल नु अङगुर शांबु कली चहिं मारेइ मपचा” देंशो नेंता।

प्रकाश 7:1

मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। दानीएल ७:२

प्रकाश 8:7

मिनु ङोंइती ङा तुराही शेयब परमप्रभु यावे आ स्‍वर्ग ङा गेय पाइबमी ताप्‍तु। मोपा तबानु, सरीङ रे रागी तारी हुश ब्‍वांइ‍सीशो मुप्‍स नु मी यित। मिनु रागी के भाग सां ङा भाग का, रवा आन भाग सां ङा भाग का नु घांस नेल्‍ल दुप्‍शा नेक्‍तु। प्रस्‍थान ९:२३-२६