प्रकाश 9:3 - Sunuwar Bible

³ मिनु मेको कुन रे माले खोदेंशो रागीमी ग्रूतेक्‍म। मेको आन सक्ति रागी ङा बिच्‍छी आन के खोदेंशो बाक्‍त।

प्रकाश 9:3 ပူးပေါင်းရင်းမြစ်များ

१ राजा 12:11

आं आफोम इन कली श्‍येत गेप्‍तु। मुल गो इन कली मेको क्‍येङा यो शुश श्‍येत गे‍नुङ। आं आफोम इन कली कोक्‍केम तुप्‍पाइश्‍शो बाक्‍त। तन्‍न मुल गो इन कली बिच्‍छीम क्राइक्‍‍पाइक्‍नन्‍नी’ दे मतीन” देंमा बाक्‍त।

२ इतिहास 10:11

आं आफोम इन कली हेल्‍शो गेय पपाइश्‍शो बाक्‍माक्‍त। तन्‍न मुल गो मेको क्‍येङा हेल्‍शो गेय पपाइक्‍नुङ। आं आफोम इन कली कोक्‍केम तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍न‍न्‍नी’ मतीन” दे अर्ती गेमे बाक्‍त।

२ इतिहास 10:14

मिनु मेको ठिटापुकीम गेशो अर्ती बिश्‍शा, मेको आन कली “आं आफोम इन कली हेल्‍शो गेय गेशो बाक्‍माक्‍त। तन्‍न मुल गो मेको क्‍येङा हेल्‍शो गेय गेनुङ। आं आफोम इन कली तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍नन्‍नी” दे माइक्‍मी बाक्‍त।

यसैया 33:4

मेकोपुकीमी सल्‍हा खोदेंशो पा शुश मारेइ मारेइ रोइक्‍नीम। दोपा सल्‍हा प्रेक्‍शा दोरनीमी, मोपा मुरपुकी प्रेक्‍शा रोइक्‍चा कली दोरनीम।

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

योएल 1:4

घांस ख्रोइश्‍शा ब्‍वाइब मालेपुकीमी मार मार प्रोन्‍मे, मेको लेस्‍वा मालेपुकीमी नेक्‍तेक्‍म। मिनु लेस्‍वा मालेपुकीमी मार मार प्रोन्‍मे, मेको तोङ‍ले मालेपुकीमी नेक्‍तेक्‍म। मिनु तोङले मालेपुकीमी मार मार प्रोन्‍मे, मेको सल्‍हा मालेपुकीमी नेक्‍तेक्‍म। योएल २:२५

योएल 2:25

परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। योएल १:४

नहुम 3:15

मेकेर इ कली मीम दाक्‍ब। तरवारमी इ कली साइक्‍ब। मिनु मालेपुकीम मार मार नेक्‍शो खोदेंशो पा इ कली नेक्‍ब। गे माले खोदेंशो पा सोशो बोशो दुमीन। मिनु घांस ब्‍वाइब माले खोदेंशो पा सोशा बोशा शुश दुमीन। योएल १:४

नहुम 3:17

इ कली खाल पाइब घांस ब्‍वाइब माले खोदेंशो बाक्‍नीम। मिनु इ सरकार ङा ठेयब मुर माले आन हुल खोदेंशो बाक्‍नीम। मेको ग्‍यू दुम्‍मेनु, गारो तार बाक्‍नीम। मिनु नां पवानु, मेको नेल्‍ल बेरशा लाइनीम। मेको ते लाइनीमी, सुइमी मतुइक्‍नीम।

लूका 10:19

गे बुस्‍स नु बिच्‍छी दिम्‍ताक्‍नी हना यो, इन कली मकोक्‍नीम। मारेइ पने मचाप्‍नीम। मोदेंशो पा सैतानमी इन कली मारेइ पने मचाप्‍ब। सुइमी यो इन कली मारेइ पने मचाप्‍ब। भजन संग्रह ९१:१३; मर्कूस १६:१८

ब्‍यवस्‍था 8:15

मेकोमी इन कली ठेयब हिंचा ङा गोरशो रागीम बाक्‍पाइक्‍तु। मेकेर बीस पाइश्‍शो बुस्‍स नु बिच्‍छी बाक्‍तेक्‍म। मेकोमी इन कली सोव़शो रागीम हिरताक्‍व। मिनु इन पर्बम ठेयब फुल्‍लु रे ब्‍वाक्‍कु बुक्‍पाइक्‍तु। गन्‍ती २१:६; प्रस्‍थान १७:६

प्रकाश 9:5

मिनु मेको आन कली मसतीन, तन्‍न ५ महिना सम्‍म श्‍येत गेने” देंशो नेंता। मेको श्‍येत चहिं बिच्‍छीमी मुर आन कली क्राइश्‍शो खोदेंशो बाक्‍ब।

प्रकाश 9:7

मिनु मेको माले आन रां दोदेंशो तांइसाक्‍म देंशा हना, लडाइ पचा कली ठीक पा वोइश्‍शो शारा खोदेंशो तांइसाक्‍म। मेकोपुकी सुन के सिरपेच खोदेंशो गुप्‍शो बाक्‍तेक्‍म।

न्‍यायाधीस 7:12

मेको मिदयानी, अमालेकी नु पूर्ब ङा थर ङा मुर नेल्‍ल शुश सल्‍हा माले खोदेंशो पा दिंममी बाक्‍शो बाक्‍मा बाक्‍त। मेको आन दलओंठ ठेयब समुन्‍द्र ङा बाल्‍वा खोदेंशो हिक्‍ने मचाप्‍चा ङा पा शुश बाक्‍मा बाक्‍त।