प्रकाश 9:21 - Sunuwar Bible

²¹ मिनु मेकोपुकीमी मुर साइक्‍चा, टुना मुना पचा, चिन्‍ता बाक्‍चा, तेल्‍लेम पचा नु खुइ पचा मप्रोनेम। मिनु आन थुं यो परमप्रभु यावे गे मलेत्‍तेम।

प्रकाश 9:21 ပူးပေါင်းရင်းမြစ်များ

यसैया 47:12

गे इ टुना मुना नु मन्‍तर तन्‍तर शुश पावो। गे आल रेन मोदेंशो पाप्‍तीवी। मेको पवीनु, ठीक दुम्‍बा कों? मेको श्‍येत मजाक्‍बा कों? दानीएल २:२

यसैया 47:9

वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।

यसैया 57:3

“तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४

दानीएल 11:33

मिनु मेको आन दाते ङा जोक्‍ब तुइक्‍बपुकीमी शुश मुर आन कली रुप्‍ब सेल्‍नीम। मोपतीके नाक्‍त का निक्‍शी सम्‍म मेको तरवारम क्‍योरचा, मीम हुम्‍चा, ग्‍याइश्‍शा चोक्‍चा नु आन मार मार रोइक्‍चा पुंइसीनीम।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 15:19

मुर आन थुंमी मार मरिम्‍शो मिम्‍नीम देंशा हना, मुर साइक्‍चा, मुर आन मीश लाइक्‍चा, तेल्‍लेम पचा, खुइ पचा, जोल पा सांकछी बाक्‍चा, मुर आन पर्बम मरिम्‍शो लोव़ पचा, दे मिम्‍नीम। मेको चहिं शोव़ रे ग्रूशा, उत्‍पत्ती ८:२१

२ कोरिन्‍थी 12:21

गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

प्रकाश 13:13

मिनु मेको नोले ङा जन्‍तुमी ठेयब छक लाक्‍चा ङा गेय पाप्‍तु। मार छक लाक्‍चा ङा गेय पाप्‍तु देंशा हना, मेकोमी मुर आन ङोंइती सरीङ रे मी यिपाइक्‍तु। मत्ती २४:२४; २थिस्‍सलोनिकी २:९

प्रकाश 13:15

मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।

प्रकाश 13:7

मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्‍त। मिनु मेको कली जात नेल्‍ल, मुर नेल्‍ल, आंम आंम लोव़ पाइब नु रागी रागी ङा मुर नेल्‍ल आन कली सासन पतीके अधिकार यो गेशो बाक्‍त। प्रकाश ११:७; दानीएल ७:२१

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 17:4

मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। येरमीया ५१:७

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

प्रकाश 9:20

मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९