प्रकाश 9:14 - Sunuwar Bible

¹⁴ मेको सेंदामी मेको तुराही ताप्‍ब परमप्रभु यावे आ स्‍वर्ग ङा गेय पाइब कली “युफ्रेटीस माइश्‍शो ठेयब खोला आ नेक्‍थाम पाइश्‍शो ४ जना सैतान आ गेय पाइब आन कली प्रोंइमी” देंशो नेंता। प्रकाश १६:१२

प्रकाश 9:14 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

उत्पत्ती 2:14

मिनु मेको आ नोले ङा खोला आ नें टाइग्रीस बाक्‍ब। मेको खोला अस्‍सुर रागी आ पूर्ब गे लशो बाक्‍ब। मिनु नेल्‍ल क्‍येङा नोले ङा खोला आ नें युफ्रेटीस बाक्‍ब।

२ सामुएल 8:3

मिनु दाऊद युफ्रेटीस खोला आ नेक्‍थाम आ अधिकार वोइक्‍चा कली लमेनु, सोबाह सहर ङा रेहोब आ तौ पिप हादादेजेर कली यो लडाइ पा ग्रामाक्‍त।

येरमीया 51:63

मोपा एको कागज पढेने थुम्‍शा, फुल्‍लु काम फ्रेंशा युफ्रेटीस खोलाम ताइक्‍तो। प्रकाश १८:२१

ब्‍यवस्‍था 1:7

मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।

यहोसु 1:4

गोरशो रागी नु लेबानोन रे ठेयब युफ्रेटीस खोला सम्‍म, हित्ती आन रागी नेल्‍ल, पच्‍छिम गे ङा ठेयब समुन्‍द्र सम्‍म इन रागी दुम्‍ब।

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

प्रकाश 7:1

मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। दानीएल ७:२

प्रकाश 7:2

मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी

प्रकाश 8:2

मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। मत्ती २४:३१

प्रकाश 8:6

मिनु मेको ७ ओटा तुराही शेयब परमप्रभु यावे आ स्‍वर्ग ङा गेय पाइबपुकीमी तुराही ताप्‍चा चिक्‍ताक्‍म।

प्रकाश 9:15

मिनु मेको परमप्रभु यावे आ स्‍वर्ग ङा गेय पाइबमी मेको आन कली प्रोंइतु। मेकोपुकी ङोंइती मारदे पाइश्‍शा वोइश्‍शो बाक्‍तेक्‍म देंशा हना, परमप्रभु आ देंशो घन्‍टा, नाक्‍त, महिना नु बर्स नेल्‍ल रागी ङा मुरपुकी भाग सां ङा भाग का साइक्‍चा, दे ठीक पा वोइश्‍शो बाक्‍तेक्‍म। प्रकाश ८:-