प्रकाश 9:13 - Sunuwar Bible

¹³ मिनु लीशो निक्‍शी परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गो परमप्रभु यावे आ ङोंइती वोइश्‍शो सुन के सेल्‍शो चढ़ेतीके आ ४ सुर रे सेंदा ग्रूशो नेंता। प्रकाश ८:३; प्रस्‍थान ३९:१-३

प्रकाश 9:13 ပူးပေါင်းရင်းမြစ်များ

प्रस्‍थान 30:10

बर्सम खेयप का हारूनमी चढ़ेतीक आ ग्रोव़म हुश ख्रेक्‍शा पाप क्‍याम्‍तीक गेय पचा माल्‍ब। मेको हुश पाप आ पर्बम चढ़ेशो बस्‍तु आ हुश बाक्‍चा माल्‍ब। मेको गेना हना यो बर्समी खेयप का इन चच युइ आन पाला सम्‍म मेको पाप क्‍याम्‍तीक गेय चढ़ेतीके आ हुशेमी पचा माल्‍ब। मेको परमप्रभु यावे आ ङोंइती नेल्‍ल क्‍येङा चोव़खो सेल्‍तीके बाक्‍ब” दे परमप्रभु यावेमी मोसा कली दें‍त। लेवी १६:१८

हिब्रू 10:21

मिनु परमप्रभु यावे आ खिं ङा ठेयब चढ़ेब दुम्‍त।

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१

प्रकाश 8:2

मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। मत्ती २४:३१

प्रकाश 9:1

मिनु लीशो ३ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु गोमी सोरुल का सरीङ रे दोक्‍शो ताता। मेको सोरुलमी ठेयब दुइश्‍शो, पुं मपाइश्‍शो ढोडोङगा ङा लाप्‍चो रोक्‍तीके सांचो ताक्‍तु।