प्रकाश 9:11 - Sunuwar Bible

¹¹ मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।

प्रकाश 9:11 ပူးပေါင်းရင်းမြစ်များ

अय्‍युब 26:6

परमप्रभु आ ङोंइती बेक्‍शो मुर आन बाक्‍‍तीके मख्रुंइसीशो बाक्‍ब। मिनु जाम्‍शा लतीके मसुम्‍सीशो बाक्‍ब। भजन संग्रह १३९:८; हितोपदेस १५:११; आमोस ९:२; प्रकाश ९:१

अय्‍युब 28:22

जाम्‍शा लतीके नु बेक्‍पाइक्‍बमी ‘गो मेको आ पर्बम नेंशो ला बाक्‍नस्‍कु’ देंनीस।

अय्‍युब 31:12

मेको जम्‍शा लतीकेम सोइक्‍ब मी खोदेंशो बाक्‍ब। मेकोमी आं बाक्‍शो मारेइ मारेइ खतम पोक्‍‍ब।

भजन संग्रह 88:11

मार, गे इन गेना हना यो दाक्‍तीके आ पर्बम बेक्‍शो मुर आन बाक्‍तीकेमी लोव़ पाइनीमी? इन दाक्‍शा मप्रोंइतीके आ पर्बम तुरसुम शेंनीमी?

हितोपदेस 15:11

दोदेंशो पा परमप्रभु यावेमी बेक्‍शो मुर आन बाक्‍तीके नु जाम्‍शा लतीके तुइक्‍बा, मोदेंशो पा मुर आन थुं कली यो तुइक्‍ब। अय्‍युब २६:६; भजन संग्रह १३९:८; प्रकाश ९:१,११; येरमीया १७:१०

लूका 8:31

मिनु वोलपुकीम “आंइ कली नरकम मसोइक्‍तीकी” दे पुन्‍मे बाक्‍त।

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 16:11

मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्‍तु, दे शेंब। यूहन्‍ना १२:३१

यूहन्‍ना 5:2

यरूसलेम सहर कली गारोमी हिरशो बाक्‍ब। मेको गारोमी लाप्‍चोपुकी बाक्‍नीम। मेको गारो ङा ठेयब लाप्‍चो का कली भेडा लाप्‍चो देंनीम। मेको आ नेक्‍थामी हिब्रू लोव़मी बेथेस्‍दा माइश्‍शो दोम्‍ली का बाक्‍ब। मेको दोम्‍ली बाक्‍तीकेमी ५ ओटा पाटी खिं बाक्‍नीम। नेहेम्‍याह ३:१

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।

१ यूहन्‍ना 5:19

मिनु गोपुकीमी “गोपुकी परमप्रभु यावे आ मुर नय” तन्‍न सैतानमी नेल्‍ल रागी ङा मुर आन कली हुकुम पाइब, दे तुइक्‍नय। गलाती १:४

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 16:16

मिनु मेको वोल सांमी रागी रागी ङा पिप ब्रथ लशा, जाक्‍शा, हिब्रू लोव़मी आरमागेडोन माइश्‍शो रागीमी खुम्‍साक्‍म।