प्रकाश 8:12 - Sunuwar Bible

¹² मिनु लीशो ४ जना परमप्रभु यावे आ स्‍वर्ग ङा गेय पाइब ङा कामी तुराही ताप्‍तु। मिनु नां तास्‍ला नु सोरुल आन भाग सां ङा भाग का खतम दुम्‍तेक्‍म। मोपा छेङछेङ ङा भाग सां ङा भाग का छिङछिङ दुम्‍त। नाक्‍त ङा भाग सां ङा भाग का यो छिङछिङ दुम्‍त। मिनु नाक्‍दो ङा भाग सां ङा भाग का यो छिङछिङ दुम्‍त। प्रकाश ६:१२; प्रस्‍थान १०:२१

प्रकाश 8:12 ပူးပေါင်းရင်းမြစ်များ

यसैया 13:10

सरीङ ङा सोरुलपुकीम आन छेङछेङ साम्‍नीम। नां दाप्‍ना दाप्‍न छिङछिङ दुम्‍ब। तास्‍लाम छेङछेङ मगेब।

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

येरमीया 4:23

मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२

योएल 2:10

मिनु मेको आन ङोंइती रागीम ख्रिनु कुइब। सरीङ हिम्‍सीब। नां नु तास्‍ला छिङछिङ दुम्‍नीस। मिनु सोरुलमी आन हाम्‍सो मकोंइनीम। योएल ३:४; यसैया १३:१०

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

योएल 3:15

नां नु तास्‍ला छिङछिङ दुम्‍नीस। मिनु सोरुलपुकीमी आन छेङछेङ मकोंइनीम” देंत। योएल २:१०; योएल ३:४

आमोस 8:9

गो मेको नाक्‍ती नां कली नाक्‍ती उइक्‍थ दुम्‍मेनु, लाक्‍पाइक्‍नुङ। मिनु नाक्‍त बाक्‍ना बाक्‍न नां रिक्‍पाइक्‍नुङ। येरमीया १५:९

मत्ती 24:29

रागीम मोदेंशो श्‍येत दुम्‍ने नुम चोटी, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो तांइसीब। तास्‍ला आ हाम्‍सो यो जाम्‍ब, सोरुल खपीम दोक्‍नीम। सरीङ ङा सक्ति हिम्‍सीनीम। यसैया १३:१०; प्रेरित ६:१२-१३; २पत्रुस ३:१०

मत्ती 27:45

मिनु नाक्‍ती १२ बजे रे ३ बजे सम्‍म नेल्‍ल रागीमी नां रिक्‍शो खोदेंशो पा छिङछिङ दुम्‍त।

मर्कूस 13:24

रागीमी मोदेंशो ठेयब श्‍येत नुम्‍मेनु, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो दुम्‍ब। तास्‍ला आ हाम्‍सो यो जाम्‍ब।

मर्कूस 15:33

मिनु नाक्‍त १२ बजे नां जिक रिक्‍शा, ३ बजे सम्‍म रागी नेल्‍ल छिङछिङ दुम्‍माक्‍त।

लूका 21:25

मिनु सरीङ नु रागीमी चिन्‍ड तांइसीनीम। सरीङमी नां, तास्‍ला नु सोरुल मार मार तांइसीब। रागीम समुन्‍द्रमी ठेयब ब्‍वाक्‍कु ब्रुइश्‍शा, मुर नेल्‍ल आन कली हिंपाइक्‍ब। प्रकाश ६:१२-१३

प्रेरित 2:20

नां छिङछिङ दुम्‍ब। तास्‍ला हुश खोदेंशो लल दुम्‍शो तांइसीब। मेको प्रभु आ ठेयब नाक्‍त आ क्‍येङा ङोंइती मोदेंशो दुम्‍ब।

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

प्रकाश 12:4

मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०

प्रकाश 16:10

मिनु लेंशा अर्को परमप्रभु यावे आ स्‍वर्ग ङा गेय पाइबमी मेको आ कुरशो डप्‍का ठेयब जन्‍तु आ नित्‍तीकेमी मोइक्‍तु। मिनु मेकोमी मोदानु, मेको ठेयब जन्‍तु आ राज्‍यमी छिङछिङ दुम्‍त। मिनु मुरपुकीम शुश श्‍येत जाम्‍तेक्‍म।

प्रकाश 6:12

मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९

प्रकाश 9:15

मिनु मेको परमप्रभु यावे आ स्‍वर्ग ङा गेय पाइबमी मेको आन कली प्रोंइतु। मेकोपुकी ङोंइती मारदे पाइश्‍शा वोइश्‍शो बाक्‍तेक्‍म देंशा हना, परमप्रभु आ देंशो घन्‍टा, नाक्‍त, महिना नु बर्स नेल्‍ल रागी ङा मुरपुकी भाग सां ङा भाग का साइक्‍चा, दे ठीक पा वोइश्‍शो बाक्‍तेक्‍म। प्रकाश ८:-

प्रकाश 9:18

मिनु मेको मी, कुन नु गन्‍धक रे मुरपुकी भाग सां ङा भाग का बेक्‍तेक्‍मे।