प्रकाश 7:9 - Sunuwar Bible

⁹ मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।

प्रकाश 7:9 ပူးပေါင်းရင်းမြစ်များ

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

भजन संग्रह 2:8

मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। दानीएल ७:१३-१४; हिब्रू १:२

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

भजन संग्रह 76:4

गे छेङछेङमी नां खोदेंशो तांइसीनीनी। गे गेना हना यो लीब पहाड क्‍येङा यो ठेयब बाक्‍नीनी।

भजन संग्रह 77:2

गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।

भजन संग्रह 98:3

मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। यसैया ५२:१०

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

येरमीया 3:17

मेना यरूसलेम कली ‘परमप्रभु यावे आ ठेयब नित्‍तीके’ देंनीम। मिनु रागी रागी ङा मुर नेल्‍ल मेकेर देल्‍नीम। मुर नेल्‍ल परमप्रभु यावे आ नेक्‍था यरूसलेमम देल्‍नीम। मेना रे आन थुं ङा मरिम्‍शो लोव़ मपाइ‍नीम। प्रस्‍थान १७:१६; यसैया २:२-४; मत्ती ४:२

इजीकीएल 47:5

मिनु मेकोम लेंशा अर्को हजार का कुबीत पुक्‍तु। मिनु गो मेको खोला शोक्‍ने मचबु। मारदे हना ब्‍वाक्‍कु बारशो बाक्‍त। मेको दोम्‍ली ग्‍यारचा ङा दुम्‍शो बाक्‍त हना यो, शोक्‍ने मचाप्‍चा ङा बाक्‍त।

दानीएल 4:1

मिनु पिप नेबुकदनेसरमी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ६:२५

दानीएल 6:25

मिनु नोले पिप दारामी जात जात नु रागी रागी ङा आंम आंम लोव़ पाइब नेल्‍ल आन कली “गे थुं नाइश्‍शा बाक्‍कीन। दानीएल ४:१

होसे 1:10

इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

लेवी 23:40

ङोंइती ङा नाक्‍ती गेपुकीमी रवा आन रिम्‍शो फल फुल, खजूर रवा आन राशी, शुश सफा पाइश्‍शो रवा आन राशी नु अरु खोलामी बाक्‍शो रवा आन राशी चाक्‍शा, गे परमप्रभु यावे, इन परमप्रभु आ ङोंइती ७ नाक्‍त सम्‍म ग्‍येरसीन। नेहेम्‍याह ८:१४-१६

जकरिया 10:8

गो आं मुर आन कली ब्रेश्‍शा, खुप्‍नुङ। मारदे हना गो मेको आन कली श्‍येत रे प्रोंइता। मिनु मेकोपुकी ङोंइती ङा खोदेंशो पा सोशा बोशा, शुश दुम्‍नीम।

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

लूका 12:1

मिनु हजार, हजार मुर खुम्‍सीशा, नेम्‍मुशा, चुमुशा, येसु आ लोव़ नेंथ जाक्‍मा बाक्‍त। मिनु येसुमी आ शेंसीब आन कली “फरिसी आन बोरपाइक्‍तीक ओख्‍ती रे होस पा बाक्‍कीन। मेको आन जोल पा शेंतीक बाक्‍ब। मत्ती १६:६; मर्कूस ८:१५

लूका 21:36

मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

यूहन्‍ना 12:13

मिनु खजूर रवा आ सफा शेशा, येसु कली ग्रुम्‍थ जाक्‍तेक्‍म। मेकोपुकीमी “होसन्‍ना, परमप्रभु आ नेंमी जाक्‍ब इस्राएली आन पिप आसीक रशो बाक्‍ब” दे ग्‍येरशा, ग्रीना ग्रीन येसु कली ग्रुम्‍थ जाक्‍तेक्‍म। होसन्‍ना आ देंशो “परमप्रभु वारच पने” बाक्‍ब। भजन संग्रह ११८:२५-२६

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

एफिसी 6:13

मोपतीके परमप्रभु यावे आ गेशो या नेल्‍ल लतीन। मेकोमी ला मरिम्‍शो नाक्‍त ग्राशा राप्‍ने चाप्‍नीनी।

हिब्रू 11:12

मेना अब्राहाम आल मथीब खाल्‍पा बाक्‍माक्‍त हना यो, नोले आ खिं ङा मुर सोरुल खोदेंशो पा शुश दुम्‍शा, हिक्‍ने मचाप्‍चा ङा दुम्‍मा बाक्‍त।

हिब्रू 12:22

तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 22:3

मिनु मेको सहरमी सराप रशो काइ मबाक्‍नीम। मारदे हना परमप्रभु यावे नु पाठा आस ठेयब नित्‍तीके मेकेर बाक्‍ब। मिनु परमप्रभु यावे आ वाइलपुकीमी परमप्रभु यावे कली गेय पाइनीम। यहोसु ७:११-१३

प्रकाश 3:18

मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 5:11

मिनु मेको ठेयब नित्‍तीके गे कोव़ना कोव़न बाक्‍ङानु, सेस जन्‍तु नु शेंब खाल्‍पा आन एर ओंथ शुश परमप्रभु यावे आ स्‍वर्ग ङा गेय पाइब आन सेंदा नेंता। मिनु मेकोपुकी गिश बाक्‍तेक्‍म देंशा हना, हजार हजार, लाख लाख बाक्‍तेक्‍म। हिब्रू १२:२२

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

प्रकाश 6:11

मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।

प्रकाश 7:8

जबूलून आ थर रे १२ हजार, योसेफ आ थर रे १२ हजार नु बेन्‍यामीन आ थर रे १२ हजार मुरपुकी छाप थोक्‍चा पुंइसीशो बाक्‍तेक्‍म।