प्रकाश 7:2 - Sunuwar Bible

² मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी

प्रकाश 7:2 ပူးပေါင်းရင်းမြစ်များ

२ राजा 19:4

परमप्रभु यावे, इन परमप्रभुमी अस्‍सुर ङा पिपमी सोइश्‍शो मेको राब्‍शाके आ लोव़ नेल्‍ल नेंना माइ। आ होव़प, अस्‍सुर ङा पिपमी ब्रोंइशा बाक्‍शो परमप्रभु कली शुक्‍शी पथ सोइश्‍शो बाक्‍ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्‍बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्‍त। १सामुएल १७:१०; २राजा १८:३५

ठेयब कुम्सो 8:6

आं कली इन थुंमी छाप थोक्‍शो खोदेंशो पा वोतीन। इन गुइमी यो छाप थोक्‍शो खोदेंशो पा वोतीन। मारदे हना दाक्‍तीके, बेक्‍पाइक्‍ब खोदेंशो पा सक्ति पाइश्‍शो बाक्‍ब। मेको आ दाक्‍शो तुरस खोदेंशो मटीब नु शुश ब्रशो मी क्‍येङा यो शुश ब्राइब बाक्‍ब। मत्ती २२:३०; रोमी ७:२; उत्‍पत्ती २:२४; मत्ती १९:५-६; एफिसी ५:२८-३३

यसैया 41:2

सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

मत्ती 26:63

मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

२ कोरिन्‍थी 1:22

मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। एफिसी १:१३; २कोरिन्‍थी ५:५; रोमी ८:१६

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 4:30

परमप्रभु यावे आ सोक्‍त कली थुं मखाइक्‍पतीन। मारदे हना गेपुकी परमप्रभु यावे आ बाक्‍तीके मजाक्‍दीन्‍नी सम्‍म परमप्रभु यावे आ सोक्‍तीमी छाप थोक्‍सीशो बाक्‍नीनी। यसैया ६३:१०; एफिसी १:१३-१४

ब्‍यवस्‍था 5:26

मिनु सु मुरुम इं खोदेंशो पा ब्रोंइशा बाक्‍ब परमप्रभु आ सेंदा मी आ दाते रे पा नेंशा यो ब्रोंइशो बाक्‍बा?

१ थिस्‍सलोनिकी 1:9

मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 12:22

तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११

प्रकाश 1:3

मिनु सु सुमी परमप्रभु यावेमी तुइक्‍पाइश्‍शो एको किताब ङा लोव़ पढेनीमी, नेंनीमी नु टीनीमी, मेको आसीक रशो नु ग्‍येरसीशो मुर दुम्‍नीम। मारदे हना मेको लोव़ दुम्‍चशो बाक्‍त। १यूहन्‍ना १:१-२; यूहन्‍ना २१:२४; प्रकाश २२:१०

प्रकाश 10:1

मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।

प्रकाश 10:4

मेको ७ ओटा बुंबु आ लोव़ ब्रेक्‍चाङानु, सरीङ रे सेंदा कामी “मेको ७ ओटा बुंबु आन लोव़ मब्रेक्‍तो, मुर आन कली मशेंदो” देंशो नेंता। दानीएल १२:४,९

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

प्रकाश 5:2

मिनु गो सक्ति पाइश्‍शो परमप्रभु यावे आ स्‍वर्ग ङा गेय पाइब का ताता। मेकोमी ठेयब सेंदामी “सुमी मेको ७ ओटा छाप प्रुइश्‍शा, कागज प्राक्‍ने चाप्‍बा?” दे हिल्‍लो पाप्‍तु।

प्रकाश 8:3

मिनु अर्को परमप्रभु यावे आ गेय पाइब का जाक्‍शा, चढ़ेतीक आ नेक्‍था राप्‍त। मेकोमी सुन के थनौरो कुरशो ताता। मिनु मेकोमी शुश धूप ताक्‍तु। मार पचा कली ताक्‍तु देंशा हना, थमा सुइक्‍ब आन परमप्रभु यावे कली मान पशो नु पुंइशो लोव़ सुन के चढ़ेतीकेमी ब्‍वाइक्‍चा कली ताक्‍तु।

प्रकाश 9:14

मेको सेंदामी मेको तुराही ताप्‍ब परमप्रभु यावे आ स्‍वर्ग ङा गेय पाइब कली “युफ्रेटीस माइश्‍शो ठेयब खोला आ नेक्‍थाम पाइश्‍शो ४ जना सैतान आ गेय पाइब आन कली प्रोंइमी” देंशो नेंता। प्रकाश १६:१२

प्रकाश 9:4

मिनु मेको आन कली “मेको रागी ङा घांस नु रवा ङा सफा मबिग्रेने, परमप्रभु यावे आ छाप कुप्‍फीमी मथोक्‍शो मुर आन कली ला श्‍येत गेने। प्रकाश ७:३

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।