प्रकाश 7:13 - Sunuwar Bible

¹³ मिनु मेको शेंब खाल्‍पा कामी आं कली “मेको बुश वा फेक्‍शो मुरपुकी सु नमी? ते रे जाक्‍मा?” दे हिल्‍लो पती।

प्रकाश 7:13 ပူးပေါင်းရင်းမြစ်များ

उत्पत्ती 16:8

मिनु मेकोमी “हागार, साराइ आ वाइलीम, ते लशा पिनी?” दे हिल्‍लो पवा बाक्‍त। मिनु हागारमी “आं होव़पोक्म साराइ आ ङोंइती रे प्रोक्‍ती” दे लोव़ लेत्‍ता बाक्‍त।

दानीएल 7:16

मिनु गो मेकेर राप्‍शा बाक्‍ब का कली “एको लोव़ रे मार रुम्‍सीबा?” दे हिल्‍लो पाता। मिनु मेकोमी “गो इ कली नेल्‍ल रुप्‍पाइक्‍नुङ।

यूहन्‍ना 7:28

मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।

प्रेरित 3:12

मिनु मोपा पुम्‍शो तशा, पत्रुसमी “इं इस्राएलीपुकी, एको मुर साशो तशा छक लाक्‍तीनी। मिनु गो आंस सक्तिम सापाइश्‍शो बाक्‍माक्‍त, फेस्‍तस दे मिम्‍तीनी? आंस सक्तिम सापाइश्‍शो ममाइ।

प्रकाश 3:4

मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। यहूदा :२३

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 5:11

मिनु मेको ठेयब नित्‍तीके गे कोव़ना कोव़न बाक्‍ङानु, सेस जन्‍तु नु शेंब खाल्‍पा आन एर ओंथ शुश परमप्रभु यावे आ स्‍वर्ग ङा गेय पाइब आन सेंदा नेंता। मिनु मेकोपुकी गिश बाक्‍तेक्‍म देंशा हना, हजार हजार, लाख लाख बाक्‍तेक्‍म। हिब्रू १२:२२

प्रकाश 5:5

मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।

न्‍यायाधीस 13:6

मिनु मेको मीश मुरुमी आ वोंइश कली “परमप्रभु आ गेय पाइब मुर का आं बाक्‍तीक जाक्‍त। मेको आ कुल हिंचा ङा परमप्रभु आ स्‍वर्ग ङा गेय पाइब खोदेंशो बाक्‍त। मिनु ‘सु बाक्‍नीनी?’ दे हिल्‍लो मपङ। मिनु मेकोमी यो आ नें मदे।