प्रकाश 7:12 - Sunuwar Bible

¹² मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म।

प्रकाश 7:12 ပူးပေါင်းရင်းမြစ်များ

नेहेम्‍याह 12:46

मारदे हना दाऊद नु आसाफ आस पालामी कुम्‍सो पाइब आन कली शेंब का बाक्‍शो बाक्‍त। मेना यो परमप्रभु कली ठेयब सेल्‍तीक नु “गे रिम्‍शो पाइब बाक्‍नीनी” दे कुम्‍सो पाइब बाक्‍शो बाक्‍तेक्‍म। १इतिहास २५:-

नेहेम्‍याह 12:8

मिनु लेवीपुकी सु सु बाक्‍तेक्‍म देंशा हना, येशुआ, बिन्‍नुइ, कदमीएल, शेरेब्‍याह, यहूदा नु मत्तन्‍याह बाक्‍तेक्‍म। मेको नु आन लोक्‍बपुकी परमप्रभु यावे कली ठेयब सेल्‍तीक कुम्‍सो पपाइक्‍ब बाक्‍तेक्‍म।

भजन संग्रह 100:4

मिनु “गे रिम्‍शो पाइब बाक्‍नीनी” दे आ ठेयब लाप्‍चो रे ओव़ङीन। आ कली मान पा आ लाङगाम ठेयब सेल्‍तीक कुम्‍सो पने। मेको कली “गे रिम्‍शो पाइब बाक्‍नीनी” दे आ नें कली मान पा ठेयब सेलीने। भजन संग्रह १०६:१

भजन संग्रह 106:48

परमप्रभु यावे, इस्राएली आन परमप्रभु गेना हना यो ठेयब बाक्‍ल। मिनु मुरपुकीमी ‘मोदेंशो दुम्‍ल। आमेन’ देनीन” परमप्रभु यावे ठेयब बाक्‍ब। भजन संग्रह ४१:१४; १इतिहास १६:३६

भजन संग्रह 107:22

मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल।

भजन संग्रह 116:17

गो इन कली “गे रिम्‍शो पाइब बाक्‍नीनी” दे चढ़ेतीक चढ़ेनुङ। मिनु परमप्रभु यावे, इन नें थिशा, इन कली ठेयब सेल्‍नुङ। योना २:१०

भजन संग्रह 147:7

गे परमप्रभु यावे कली ठेयब सेल्‍तीक कुम्‍सो पने। तार पाइश्‍शो ताप्‍तीके ताप्‍शा आंइ परमप्रभु कली कुम्‍सो पा ठेयब सेलीन।

भजन संग्रह 41:13

परमप्रभु यावे, इस्राएली आन परमप्रभु कली “गे गेना हना यो ठेयब बाक्‍नीनी। मेको थमा बाक्‍ब” देंमल। आमेन आमेन। भजन संग्रह ७२:१८; भजन संग्रह ८९:५३; भजन संग्रह १०६:४८; भजन संग्रह १५०:६

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

भजन संग्रह 89:52

परमप्रभु यावे गेना हना यो ठेयब बाक्‍ल। मेको थमा बाक्‍ब, आमेन। भजन संग्रह ४१:१४

भजन संग्रह 95:2

“गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।

यसैया 51:3

परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

योना 2:9

गो चहिं ‘गे रिम्‍शो पाइब बाक्‍नीनी’ देंशा, इन कली ठेयब सेल्‍नुङ। गो इन कली देंशो लोव़ खाप्‍नुङ। परमप्रभु यावे, गे मुर आन कली श्‍येत रे प्रोंइब बाक्‍नीनी” दे लोव़ पवा बाक्‍त। भजन संग्रह ५०:१४; भजन संग्रह ११६:१७-१८

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

रोमी 11:36

परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।

१ कोरिन्‍थी 14:16

मिनु गेपुकी खुम्‍सीशा बाक्‍नीनु, सोक्‍त आ लोव़म आसीक गेशा, परमप्रभु यावे कली “गे रिम्‍शो पाइब बाक्‍नीनी” देंतीनी हना, दोपा मरुप्‍ब मुरुमी “आमेन” देंने चाप्‍बा ङा?

२ कोरिन्‍थी 4:15

मारदे हना मेको नेल्‍ल इन पर्बम बाक्‍ब। परमप्रभु यावे आ शिशी शुश मुरुम नेंतेक्‍म हना, मेको क्‍येङा शुश मुरुम मेको कली ठेयब सेल्‍नीम। २कोरिन्‍थी १:६,११

कलस्‍सी 2:7

खप आगामी शाक्‍‍श थोक्‍शो रवा खोदेंशो पा, ख्रीस्‍त आगा ङा बोल्‍यो मुर दुम्‍शा बाक्‍कीन। दोपा शेंसीनी, मोपा बोल्‍यो पा थमा सुइश्‍शा, परमप्रभु यावे कली “गे रिम्‍शो पाइतीनी” दे शुश देंना देंन बाक्‍कीन। एफिसी ३:१७

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

प्रकाश 19:4

मिनु मेको २४ जना शेंब खाल्‍पा नु ४ ओटा सेस जन्‍तुपुकीमी आ ठेयब नित्‍तीकेमी निश्‍शो परमप्रभु यावे कली खुम्‍की पा बाप्‍शा सेउ पाम्‍तेक्‍म। मिनु मेकोपुकीमी “आमेन, हाल्‍लेलया” देंतेक्‍म। प्रकाश ४:४; प्रकाश ५:३१; प्रकाश ४:६; भजन संग्रह १०६:४८